[المتقي]

شهر عاشور يالبيك العجايب

شفنه بيك هموم واشكال المصايب

يالخذيت اعزاز كلبي -- دربي هم تيهت دربي

شفنه بيك هموم واشكال المصايب

------------------------------------------------

يالخذيت من الحسين اعظم سفير

جان مسلم هو لحسين النصير

يالخذيت اطفاله بأمر لاأمير

المايحير بدنيته بأمرك يحير

بعد ما نحمل تره هواي النوايب

------------------------------------

يالخذيت وياك مكطوع الجفوف

طاحن جفوفه تره بغدر السيوف

يالخذيت اعزاز كلبي بالطفوف

فرح منك ما شفت بس ظيم اشوف

كلبي فتيته شفت منك عجايب

------------------------------------

يالخذيت وياك اعز واحلى الشباب

بعز شبابه جاسم يضمه التراب

هالمصاب الشفته ما مثله مصاب

مااريدن منك اسمع أي جواب

ياعذر شتكلي يلله من تجاوب

--------------------------------

يالجبت بيدك الموت تعنيته

مو غدر وجه بوجه لمن تجيه

بالرسول اول بشر كان الشبيه

علي الأكبر وضع امه تدري بيه