[رحيم الحسناوي]

المستهل ليس لي واُمرت بالكتابة عليه , ننعاك يا مسموم



ننعاك يا مسموم
ـــــــــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــــ

سرت بينه وتلوج الاَه ... والمدمع هظم يجري

الونين بفكدتك مسموع ... والهم بالقلب يسري

تساجه الاَه والونّه ... وحزن للروح يتعنّه

يباب النور للجنّه ... برجاك العمر معكود

بفراكَك الم صابه

نحبكم يا سليل الطيب ... واليجهلكم شيدري

الجهلكم يخسر الصوبين ... من بعد الاجل يدري

من تلهب عليه نيران ... وتهزّ مهجته الاحزان

شنهو ينفعه يا عنوان ... لا للدنيه بعد يعود

حتى يصحح كتابه

عكدت اَنه الحزن للصار ... يا مولاي من زغري

ونعيتك لمّك الزهراء ... ويفدي اسمك يصل عمري

تهمل للممات العين ... تندب يا ابو الحسنين

اوفي بحبك اَنه الديَن ... قلبي على العلَم مشدود

وافدي اليفجع خضابه

يابو محمّد شماكول ... ما اوافي وشاريد اكتب

ضل لمصابك الجبّار ... حد يوم الحشر مغضب

بباب امّك تشب نيران ... وبنعشك تسب مروان

يا دنية الم واحزان ... وين الرايه والموعود

يردّ الثار وحسابه

ياسيّد على الاسياد ... يا روح الوصي وعينه

تضل ويه النفس للموت ... رايه تضل ترف بينه

يضل حبّ الحسن نوماس ... سيف ويدكر الانجاس

نرفع باسمه دوم الراس ... عنّه وللممات نذود

ونكصد ننشكَ ترابه

رحيم الحسناوي