[ابو ظاهر البركي !]

ابيات تجليبه بين الزهراء عليها السلام وجبل الصبر بطلة كربلاء زينب الكبرى عليها السلام

فاطمة الزهراء
يزينب لاتكولين امي عافتني
ولاراحت لبوها ووحدي خلتني
وحك عينج ييمه الباب بعدتني
لجن حاميج شهم واني ادريبه

زينب
ييمه ارد اسولفلج على الي صار
ييمه خلاف عينج وكتي بيه اندار
اخذ مني ابيي حيدر الكرار
ومن بعده الحسن يااعظم مصيبه

الزهراء البتول
على كيفج ييمه وياي ماأكدر
على مصاب الولي وشلون اتصبر
فوكاهه تخبريني بجتل شبر
شنو قصدة الزمان يزيد تعذيبه

زينب
ييمه ارجوج الزمي الظلع ليألمج
بقت عندي مصيبه شلون ماكلج
راح حسين ذاك الجان الج ضلج
وخلاني وحيدة بذيج ارض طيبه

الزهراء البتول
ييمه الضلع خزن من جديد انعاب
احجيلي ييمه شلون اخوج انصاب
اشو جنهه ارجعت عملة هذيج الباب
من طبو علينه وبالامر ريبه

زينب
ييمه مصيبه صعبه شلون انا احجيهه
ييمه الدار ضلمه ولازلم بيها
بس نسوان واطفال انا احاميهه
يريت العمر يخلص واني شليبه

الزهراء
ييمه شلون وحدج وانتي بين الناس
جاوينه جفيلج البطل عباس
ذاك حزام ظهر حسين ابو النوماس
ماصدك يعوفج وانت اله كريبه

زينب
صار بعيد عني ووده جفينه
ودز راسه على رمحه وصار حامينه
من نبجي ييمه يباوع علينه
وشايل غيرته والعزة والطيبه


خادم الزهراء
ابو ظاهر البركي