[الحاج انور الكاظمي]

بسم الله الرحمن الرحيم

أفلحَ من صلّى على محمدٍ وآل ِمحمد

يمته نورك

يمته نورك يكْحِل إعـيوني إبجميل * يـِظـْهَـر إيعافي المعافه والعـليل

يمته نورك يـبـعـد إيـزيـح إلغـيـوم * من ذنوب الوادم إلصارت تِيحيل

شمسك إلحلوه المـشـعّـه بالنـعـيـم * والضوه إللي ماإلـَه شِـبْه إومثيل

يمته نورك يضوي ينطيـنه الأمان * للمحب يمته يجي إويشفي الغليل

يمته للي يـِنـْطِـرُونــك من زمـــان * نورك إيشع إبـحـنـانه إو ماتهـيل

دمعة إلونـّه على إفـراگـك لِـطـال * من عيون إلناحت إوصبْرت طويل

يمته نورك للگـظـه عـمره حزيـن * شوفتك يـرجـه ومَــا يُطلب بـديـل

ولتِمَس ليلـه إو نـهـاره بـالـدعـاء * ربي مظطرك إجــيــبـه يا جلـيـل

يمته نورك إللي أعلى إمنل غـيوم * وللي بگلوب إلخلگ ضاوي نبيل

والنبل منـّك كَـرم تضفي إو تجـيـد * وحنه لوله جُودك إشنِمْلك قـليـل

يمته نورك إللي واضح بـالســماء * وللي حايط بـيــنـه بيده كــل دليل

نوره ربنه إللي خِلـَق دنيه وجاب * أنبياءُ أومَنْ رسُــل يَــبْـنَ الخليل

يمته نورك يضوي يا إبن الحبيب * إل نِذرنـَه وبـْنَ هـادينه الأصيل

يـبـْنَ زهراء البـتـول أم إلـمصاب * والمصايب صَبَّـن إوشـاف إلحليل

يمته نورك يظهـر إيرد إلحـقـوق * ول علي منهوإللي يشفي له إلغليل

إل أمـيـر إلمـؤمـنـيـن إللي گظاه * ل لله عُمْرَه إبحق وِجَه للحق دليل

يمته نورك للحسن يـوفي إبضواه * عمّك إل سَـمَّـوا غدِر عـزّ الخليل

والچبد منـّه إبطشت فاض إبدموم * إبدمومه إلسَـمْ سِره ورْدَه قـتـيل

يمته نورك للوهَب روحه إبظماه * يثأر إلنحره إودِمَه أوداجه التسيل

إو سبي زينب أسِــرهــا والـقـيـود * إللي گـادو بـيـهــا سَــجْـاد إلعـليل

يمته نورك للگمر يضوي إو ينير * للگمر عـبّاس والســاقي الكـفـيـل

حتـّى ناس إلمادرت تشهد تشوف * والدره يبچي إو يـنـوح إوما يميل

من نـَهـِج حق إو هده للعـالمـيـن * إصطفه ربـنه إل جـمـاله كل جميل

والبني هاشم گـمـر هاذه إعرفوه * ما وصل نوره ومَا شـع له مثيل

الشجاعه والـبـطل وين مِـلـْتـَگــاه * بس وَكِته المعركه إتشوفـه أصيل

يمته نورك يظهر إويحچي يگـول * مثله عبـاس إبْـمِـحَـن مَاكو مثيل

ال لي دل لحسينُ إوبابه والعَـضيد * إو وين ما مال الدليل إحنه نيميل

هذا بن أم الـبــنــيــن أم الـــفـــداء * أربع إبدور إل فـدتـهــم للوكـيـل

البطل بو فاضل ال أوفـــه إبإباء * الـْبـِچـِر عباس أبو الغيره الأصيل

والوگـف يوم إلطـفـوف إبكربلاء * والرمه إلماي إل عطش فضّل بديل

ما إجه موقف يـِحِـف بـيـه البلاء * مِـثـْله يوم الطف ومَا مـثـْـله مثيل

إمتحان إو كُل درس من السـماء * للرجه ربنه إو إله إدموعه تسيل

ونـْوجَد عباس إو ذكره بالـوفاء * ماثِـل إب إيثاره منهو إللي يـِزيل

منهو مثلك يــا گـمـر مالك مثيل * ما إجه بـالدنـيـه شــبْهـك يا كفيل

إنتَ عالگاع إو ضواك إلـنـه ينير * والگمر فـوگانـــه من نورك جميل

من جمالك أزهـر إتـوقــّد يـضيء * إو نورك إلأصبح عـلـى ليـله دليل

من إبَيت إلمي نهج أحـيـى الدماء * واللي سَــالت لله مشـْهـدهـا طويل

يومك الغـالي يـبـو فـاضـل فـداء * يومه مبياته الوصي إوسيفه سليل

والشبل إبن الأسـد مِـثـْـلـه يصول * والأسم عـباس إو معــنـاه الدليل

الأسد لي تهـابـه إجموع الأســود * چف أبو فاضل أمَـان الحُـر تـِقـِيـل

گول إويوم إحسين منهواللي فداه * منهو لامت حَرْبَه لابس ما يطيل

لو أمَر إعضيده أمرَه إشـْمَا يريد * مـنـّه حـتـّى روحه ينطـيـهـا قليل

هذا بو فاضل مَـجَـه إيـثاره يـوم * غيرته مـــا ردَّت إل يـعــنـه دخيل

أكِّدت هِـمْته إمتطه ظـهــر الجواد * للفرات إوعــزّتـــه إوتـأبـى الذليل

هذا باب الحاجه من نـنخه يجيب * نلطم إبـونـّــه مصـابـه أوبالعـويل

ندعو ربـنـه إلثاره تـثأر إويجيب * وحنه نِـنـْطر ياشمس تعله الأصيل

تِوهِج إبنورك ضوه تضوي الظلام * والظلم تمحي إوعدل يومك يهيل

يمته نورك يكْحِل إعيوني إبجميل * يظهر إيعـافي إلمـعـافـه والعـليـل

الحاج انور الكاظمي