[سيدة الأدب]

السلام عليكم ورحمه الله وبركاته

يسعد صباحكم / مساءكم
بالخير والمسرات ..

اليوم معي لكم خبز لذيذ بمعنى الكلمه والاهم انه خفيف ..
وطريقته جديده .. وغير مألوفه منزلياً .. اما بالمخابز نشوفها ^^"

خبز الجبن ..

قبل لا بدأ بالطريقه احب انبه لبعض الأمور اللي لازم ناخذها بعين الإعتبار ..

مثل ما انتو تعرفون هذا خبز .. ومن اهم عوامل نجاح الخبز وانتفاخه ( حراره الفرن )
لذلك :

1/ الفرن لازم يكون حاااااار جداً ... ويشغل قبل بوقت ..
2/ نشغل العين اللي فوق واللي تحت ..
فـ لاتجيني وحده وتشغل اللي تحت وتقول ما نجح الخبز .. او تغامر وتسويه ووحده من العيون (اما اللي فوق ولا اللي تحت) عطلانه وتقول ما انتفخ الخبز .. يعني بالعربي لازم العيون اللي فوق واللي تحت تشغلينها ع الاخر ..
3/ قبل لانفرد الخبز نتركه يتخمر شي 5 -10 دقايق

يالله نبدأ بالطريقه :

العجينه ..

كاس نصه لبن وربعه ماء وربعه زيت << وبكذا يكون عندنا كاس كامل من السوائل
اقل من فنجان سكر ناعم
ملعقه كبيرة (ممسوحه) خميره فوريه
2 كاس طحين

نخفق السوائل مع السكر ثم نضيف المواد الجافه ونعجنها عدددددددل

ثم نغطيها بمنشفه

ونخليها تتخمر بمكان دافئ تتخمر تقريبا 30 دقيقه ..

في هالوقت هذا نجهز الحشوه ...

طبعاً الحشوه اختياري ولا انتي ملزومه انك تسوين مثل حشوتي ...
المجال مفتوح اذا بغيتي
(زعتر وزيت - جبن سائل - جبن شيدر .... الخ )

بس كـ بدايه احسن سوي الشيدر ^^

سويت حشوتين بالشيدر ( شيدر عادي - شيدر حراق )

نبدأ بحشوة الجبن الحراق :

جبن شيدر - فلفل
انا استخدم شيدر ماركه برايد (قوالب ) احب نكهتها واحسها فعلاً شيدرررر ..

نـقص من القالب جبنه << حسب ما نحتاج
وبعد ناخذ كم قرن فلفل

نقطع الفلفل صغييير .. ونبشر الجبنه ..

وبما ان الشيدر يتلصق في بعض وإحنا رح نضيف له الفلفل ..
لذلك حتى يتوزع الفلفل مع الجبن
في الزبديه نسوي حركه الطبقات طبقه جبنه وطبقه فلفل ونكرر لحد ما نتنهي الكميه ..

وبكذا نكون خلصنا الشيدر الحراق

وهنا بشرنا الشيدر لوحده

في هالوقت هذا تكون العجينه تخمرت
ومثل ما تشوفون في الصوره كيف تضاعف حجمها و جواتها هواء ..

نرش سطح صينيه كبيره بالطحين

نقسم العجينه لكور (حجم الكور راجع لك انتي ... اذا تبين الخبز صغير او كبير )

بعد ما انتهينها من تقسيم العجينه
نبدأ ع طوول بالحشوه .. نضغط ع الكوره ثم نحشيها بالجبنه (هنا الجبنه الحراق ) ونحاول نكثر من الحشوه ) لانه بعد ما نفردها رح تتوزع ويكون الجبن قليل ..

ثم نغلقها عدل ..

ونقلبها ونخليها ع جانب.. ونكمل باقي الكور

هذا بعد ما انتهينا من الحشو
نغطيها ونتركها تتخمر ونبدأ بحشوه الجبن الشيدر (البارد ^^)

نضغط عليها ثم نحشيها ومثل ما قلنا نكثر الحشو

نغلقها عدل ..ونقلبها ع وجهها ..ونتركها تتخمر