[فرقة احباب الزهراء]

اشهد ياجسر اشهد

مشايه اجينه اليوم


نجددبيعه للمسموم


لابن الصادق المظلوم


وجرح البينه ماهود

ازغار اكبار هبينه


للكاظم تعنينه


بعالي الصوت نادينه


نفديك الدمه وازود

جم ظالم تحدينه


وياما وياما ضحينه


لجل الي وفه الدينه


انطينه ارواح ماتنعد

منهاب اليفجرونه


وخليهم يذبحونه


نقسم مايمنعونه


وباجر نوضعلهم حد

شفت ابعينك المنظر


انطينه الف واكثر


وصارت روحنه المعبر


ومابينه الذي اتردد

وثاني عام شفت اشصار


جم قناص جم غدار


بسلاحه رمه الزوار


ونعرف احنه بالمقصد

مكصدهم نعرفه زين


ناس الخسرو الدربين


نكروا حك ابو الحسنيين


وباجر يومهم اسود

باجر يشهد الهاليوم


لكلمن بايع المسموم


صك اموقع ومختوم


وبالجنه حجز مقعد

لاتنسونا بالدعاء اخوكم الشاعر ابو امين الفرطوسي