[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

العقيلـــــــــــــــه الهاشميـــــــــــــــه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
يحسين = يحسين المنيه حانتْ اليوم
بالشام = بالشام العقيله شافت إهموم
غريبة دار وافتها المنيه == بالشام العقيله الهاشميه
يحسين = يحسين المنيه حانت اليوم
ــــــــــــــــــــــــــــــــــــــــــــــــــ ــــــــــــــــ
تمنّتْ زينب الحرّه أخوها == عباس إو أخوته إيْوَدّعوها
وافتها المنيه إبديرة الغربه == ولا واحد حضرها إمن الأهل صعبه
دمعها إيسيل زينب == تحمده إو تشكر الرب
تناجي حيدره الفارس أبوها
ظنّيت = ظنّيت إخوتي إيحضرون يومي
ظلّيت = ظلّيت إبأمل مهمومه دومي
وينك ياأبو النفس الأبيه == بالشام العقيله الهاشميه
ــــــــ
من أم الحسن زينب صبرها == ما شافت سعاده إبكُل عمرها
ماذيها العقيله الهم عله إعليها == ما مرّتْ على واحد مآسيها
حوتْ صبر الوديعه == فجيعه من فجيعه
ما أنصف أبد جاير دهرها
مكسور = مكسور الضلع من أمها شافت
مطبور = مطبور الجبين إو بيه هامت
ظلّتْ بالقلب حسره خفيّه == بالشام العقيله الهاشميه
ــــــــــ
إباء الطاهره بالغاضريه == كشف زيف العقيده الجاهليه
لسان الحق نطق من زينب الحرّه == مثل إمها الشفيعه فاطمه الزهره
بلاغه إو نور تحوي == كلام إو راح يضوي
مله الدنيه إو كشفهم آل أميه
ياريت = ياريت العمر فدوه العمرها
مذموم = مذموم النكر حقها إو أمرها
منارة خير زينب والهويه == بالشام العقيله الهاشميه
ــــــــــ
وينك يلكفيل إحضر عزاها == شوفة طلعتك جانت مُناها
تمَنّت ياشهم إنتَ التشَيّعها == تهيل إتراب حفرتها إو تودّعها
غريبه إو غاب عنها == أهلها إو خاب ظنها
ماتت زينب إو محّد إجاها
وإدموع = وإدموع العقيله من جمرها
وإبيوم = وإبيوم الوفه محّد حضرها
ماتت بالألم بنت الزجيه == بالشام العقيله الهاشميه
ــــــــــ
هاي الطاهره الله وفاها == بالشام إرتفع عالي لواها
وسط بلدة أميّه اليوم جَنّتْها == مزهبه إو تلوح الغيم كبتها
زوّار التجيها == ترد مفتونه بيها
تريد إتظل كربها كل مُناها
زوّار = زوّار إو تجي تطلب حوايج
وإيطيب = وإيطيب اليجي ياخذ نتايج
يظل مبهور بالحضره الزهيه == بالشام العقيله الهاشميه
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا طور القصيده على هذا الرابط
http://www.wlidk.net/dldnm349548.mp3.html