[عاشق الأهات]

تعتب و لا تلوم .. مو مسموح تسألني
كل عمري عشت بهموم .. و من شفتك اجه بظني
اعيش وياك احلى ايام .. وانت الراح تسعدني
ثاري عشرتك آهات .. و كل قصدك تعذبني
وك ليش هيچي يبن الناس .. شنو ذنبي دفهمني ؟؟؟
عجب وشسويتلك آنه .. و جايي تنتقم مني
تعذبني و عليا تجور .. و تستعذب نغم وني
و عگب كل هذا لك عين .. و هم تگدر تعاتبني !!!
اي قررت آنه أنساك .. و ابعد صورتك عني
گول شماتريد تگول .. حچْيَك بعد ميهمني
بس لتگلي چذبت .. و قصرت أبد لني ( لأني )
ما قصرت لحظة وياك .. اي ادري طلابه تطلبني ؟
اسنين أتعب و أزرع .. وچنت انتظر أن اجني
بس ما حصلت غير جروح .. و هموم و صرت چَني
واحد خشبعمرين .. و ميصدگون أبد سني
دمعه بطرف عيني دوم .. و عبرة ألم تخنگني
كافي و روح يبن الناس .. وداوي جروحي شو خلني
بس گبل لتروح اريد اسأل .. عليك الله إشفت مني ؟؟؟
روح و راجع اوراقك .. و جديات بلغني
اذا يوم بكلمة أذيتك .. أو موقف بدر مني
آنه صفحتي بيضه .. و لتحاول تكذبني
خليلك ذكر طيب .. اي أخر بالخاتمة ارحمني

تحياتي
الاميـــــــــر
عــــــــاشق الأهــــــــات