[ابو ياسر الكعبي]

صيح بدمع ساجِـم * ويلي عله الكاظم
***
نـقـارن بـيـن ابـن عُمران موسى
وبيـن الكـاظم الـتسطَع شِموسه
تـاريـخ المَـجد نـقره ابـدروسه
ونـوگـف عالمَواقـف نِلقي نظـره
***
خايف من خَـرَج موسى إيـتِرقَّب
والكـاظم كِظَـم غَيـضه وتـأهَّب
تَـأزّر بـالـشجـاعـه وقُدرة الرَب
وإبـن عُمـران أخوه الـيِـشِدأزره
***
إبـن عمران فَرمِن ظُـلُم فرعون
وابـن جعفـرتحـدّه الظُـلُم هارون
أريدأهل العَـقِل هُـمّه اليحكمون
مِـنهـو الـيفـتدي للبـاري نحـره
***
الكليم إمن الـخُضر يِتعلّم ادروس
والكـاظم ابصبره إيـدرّس إنـفوس
إبـن عُمران بيـرغ صبره مَنكـوس
وابـن جعفر تِـعدّه الصبر صبـره
***
صَعَق موسى الكليم ابوادي الطُور
والكاظم صَعَـق يَـم حضرة النور
مابـيـن الظُـلُم والـقَسوه والجَـور
كل واحد تِـجلّـت عِـنـده حضره
***
إذا موسى الكلـيم إعتِكـف أيّام
إعْتِكـف موسى الإمام أعوام وأعوام
گضـت عشـريـنـها بسجـون ظُـلاّم
أويلي إعله الخلص بالسـجن عُمره
***
كليـم الله الـبحر شّـقّه ابعصاته
وفَـلَـق بطن الظُـلُم موسى بـثباته
كـل واحد إلـه امن الرب صفاتـه
وِضَـع بيـن الكليـم ومـوسى سِـرّه
***
مـوسى بقصـر فـرعـون إيتـرعرع
ومن سجن السجن موسى إيْـتِـودَّع
إبن عُـمـران چـبـده مـاتَگـطّـع
وچـبد مـوسى توذّر وذره وذره
***
ابو ياسر الكعبي