[سعد اللامي]

السلام عليكم أنا لستُُ شاعراً ولكني أتب أبوذيات في بعض مناسبات أهل البيت(ع) فأرجو من الأخوة الشعراء معاينة ما كتبت والتعليق عليها وأنا بأمس الحاجة لتلك التعليقات وفققكم الله لكل خير .

فاطمة الزهراء(ع)

أمصابج كسر أضلوعي ورضه

وأملاك السما ناحـــت ورضه

نبينا شكال للزهــــره ورضه

رضا الله من رضا الزهرة الزجية

**************************

الزهرة من الضرب صاحت عليها

تجرأ خسه الـــــــــــــــــوادم عليها

ربها بقدرته عــــــــــــــــــلا عليها

تظل خير النسا لكل البرية

**************************

الأمام الحسن(ع)

وحك حسين أبن حيدر وحسنه

زاد الخير شهـــــــــر الله وحسنه

بكرم م أضن أبد مثلــه وحسنه

وليدك يا علي خير البرية

**************************

الإمام الكاظم(ع)

نزل سيف الظلم بيهـم وموسى

وحك أمصاب جعفرهم وموسى

أظل لمصابهم أحـــــــزن وموسى

لما أموت وتواريني الوطية

**************************

الإمام الحجة(عج)

غمامة ظلم د أرفعــــه وشلهه

وجروح الكلب ضمــده وشلهه

يا غايب غيبتك طالت وشلهه

حملنه الجور والفركة سوية

**************************

رجع سفيان للشيعــــة وجاها

ونار الحقد بكليبــــــي وجاها

نخينه بشخص غايبنه وجاها

يرفع هالظلم خير البرية

**************************

شموع الفرح هليلـــــــه شعلنا

ونور الحجة الغايــــــب شعلنا

علينه الشامت شيحجي شعلنا

فرحنا والفرح عم البرية

**************************

أم البنين(ع)

أريد أسئل على فاطم وناشد

وشعر لمصابها أكتــب وناشد

تفل أدموعها أعيونـي وناشد

على اللي وفت للزهرة الزجية

أبو الفضل العباس(ع)

نزل للحومه أبو فاضل سد إلهه
وعين الشمس بشعاعه سد إلهه
وكف عباس لعيــــــاله سد إلهه

تطيح الكوم كدامه رميه

**************************
مصابك حل لعد روحي كتلهه
ودموع من الحزن صاير كتلهه
سيفك طشر أعداكــــــم كتلهه

وزلم وخيول نامت على الوطية

**************************
صفات الغيرة أبو فاضــــل سماها
وتشوفه الناس جن صاير سماها
أمه أم الوفا حيــــــــــــــدر سماها

علي وجابتله فخر الهاشمية

**************************