[ابو ياسر الكعبي]

گالـو بطـن العالـم يطلگ والغُبـشـه اتهـدد بالليل


بعرش الباري النور اتطشّر ونظـم لحکـام الـتـأويل


روفـائيل الـراکع ساجـد سـبَّـح للـرب ميـکـائيل


الأمـلاک إتکـبّر مبتشـره ويقـدِّس بسمـه اسـرافيل


آدم بيه الـروح انّـفخت لـو بأنـفاسـه إمتَد الحيل


لو نوح المِبحر بالمرکب رايـد ينقـذنه امن السيل


لو هـاذه ابراهيـم اليبني بيت الله ابذبـح اسمـاعيل


لوموسی ابتـوراته اتنزّل وعصّاتـه اتعَـدِّل بالمَـيل


لويوسف شمس الله بوجها وحِسنه يشگگ وجه الليل


لوعيسی الطب بيت المقدس وتنـزّل حُکـم الإنجيل


لوقـرآن الله إعله الهـادي بالغـار اتـنـزّل تـنـزيـل


لوحيـدر مُـرسَل للخندق وبچـفَّه احجـارة سجّـيل


لوهـاذه حسين بسيف الله المسلول إعله اصحاب الفيل


احتارت کل أوصافي وعجزت وبفکـري احتار التحليل


ولـن هـاتف يهتف ياشاعر إختم صفحـات الـتهليل


بميـلاد السجــاد الليلـه إسـرافيل ايهنّي بجبـريل

ابو ياسر الكعبي