[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

يــــــا محيـــــــــــــي الديــــــــــــــــــــن
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
يامحيي الدين الضرغام == ننْتظرك طول الأيام
تتحقّق بيك الأحلام
ــــــــــــــــــــــــــــــــــــــــــــــــــ ــــــــ
نحتفل مولاي هاليله فرح يعله إو أماني
مولدك يلمنتظر بي تنرسم أحلى المعاني
للنبي إنهنيه والكرار نرفعله التهاني
ولفاطمه إنهني إو أمل == بينه يعيش إمن الأزل
تحمينه من نار الأجل == ما نشوف إو ما نعاني
نسهر هاليله إو مَنْنام == وإنهنّي إحسين المقدام
تتحقّق بيك الأحلام
ــــــــــ
بالفجر صار الوعد وإتحقّق الموعود فرقد
وإنولد ثاني عشر كوكب بزغ نوره إو تمدّد
والفرح عم إو مله بيت الحسن بِبْنَه التخلّد
والشيعه فرحت بالكمر == صار الوعد حق إو ظهر
والفرح بالكون إنتشر == والوعد هذا المحمد
بالسر صار المهدي إو دام == يامهدينه الماتنضام
تتحقّق بيك الأحلام
ــــــــ
من إله الكون سرك ياإبن حيدر إراده
ولذكر وعدك يمولانه يأدّيها العباده
ياإمام الخير إحنه ننتظر دولة سعاده
دولتك يبن الحسن == مابيها أبداً كُل محن
وإيموت كل عابد وثن == بس إلك تحله القياده
خير إو حب بالدنيه إو تام == يعله الحق دين الأسلام
تتحقّق بيك الأحلام
ـــــــ
ننتظر إخمسطعش شعبان عيد إلنه إو أملنه
ينولد بيه الأمل ذاك الذي لجله حفلنه
ننتظر مولاي يجمع عالعدل هذا جمعنه
وإبطلعته إنلم الشمل == من شوفته لا ما نمل
وإنصلّي دوم إو نبتهل == والعدل رمز العملنه
وإنّادي إبكُل حين إو عام == ياسيف الباري الصمصام
تتحقّق بيك الأحلام
ــــــــــ
ننتظر يبن الحسن أيّامك الحلوه الزهيه
من يموت الشر يطيح إو تعتلي النسمه البهيه
وي جنودك إحنه ناخذ ثار زهرتنه الزجيه
وإنشوف وجهك مبتسم == فرحه إو علينه ترتسم
وإصروح للشر تنهدم == تنتقم من آل أميه
ينزاح الهم والآلام == تكتبلك كل الأقلام
تتحقّق بيك الأحلام
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
مع تحيات شاعر اهل البيت / جابر النجفي