[علي عدنان الخزعلي]

بسم الله الرحمن الرحيم
اللهم صلي على محمد وال محمد
قصيدة (يسمونك علي ياداحي الباب)
اسأل الله القبول




يسمونك علي يادحي البـــــــــاب وحكهم ياعلي لمَن يســـمونك
اذا مروا بعازه وضنكة المحتاج اول واحد اعله النخوه يلكونك
ويعرفونك شهم والغيره تنكط بيك شرهم خيرهم كلهم يعرفونك
يمشبع الجايع وانت جوعـــــــان تنطي دموع عينك كبل ماعونك
بابك كلبك انته وجفك المفتاح واسهل من سهل لمن يدخلولك
لافيلق حمايه ابابك يحرسوك ولا منمن والمن لليكصدونك
امير المؤمنين ابمنصبك والجاه مدهوشه الخلك لمن يشوفونك
انعالك مية ركعه وثوبك المشكوك وهموم البريه شايله امتونك
يبو صدر الجبير اليحضن الايتام تردلهم ابوهم من يحضنونك
يابستان طيبه وعاطفه واحساس تزيح اهمومهم لمن يشمونك
عيونك عيد عدهم همه متعودين بعد الصوم تفطر كلهه بعيونك
ومن طبع الامير ينادي علناس وامير الكون انت وبس ينادونك
تركض للحوائج اسرع من الريح بس تسمع ادركني من اليناجونك
اجذب كل حجي ماصدك التاريخ ميكرهك علي حتى اليكرهونك
بالظاهر حقد عدهم طمع بيه بس جو الكلوب وعلي يحبونك