في احد الايام وبحكم عملي في معامل الازفلت يكون تعاملنا في المواد الانشائيه مثل الحصى والرمل النهري والفلر والاسمنت كان الجو بارد قلت لاذهب واجلس تحت اشعة الشمس واختاريت احد تلال الحصى والذي نسميه حصو بالعاميه ... وقع نظري على حصوه جميلة وسبحان الخالق كانها بيضة حمامة منقطه بنقاط حمارء وصفراء حملتها وغسلتها جيدا فزاد جمالها اكثر وبالحقيقه زاد تعلقي بهذه الحصوه يوما بعد يوم واجد راحه نفسيه عندما احملها بجيبي ...
وفي احد الايام كان هناك حارس بالمعمل اسمه كاظم اناديه كويظم هذا كاظم الرجل امي مولع بحماره الذي كان يبع الغاز به بحيث ماخذ صوره هو والحمار وكل يوم ينط عليه ويريني الصوره وسبحان الله كويظم ما يعرف يجلس بمكان اكثر من دقيقه وكل جسمه يتحرك بحيث يتكلم معي وبعد مده يعود ويقول لي ابو سكينه اني مو كنت يمك كيف ذهب اقول له كويظم خويه القسمه اخذتك لبعيد هههههه مو انت السبب . واستغفر الله تعالى لاني لم اصفه جيدا لحرمة الانسان عموما اوصافه غريبه عجيبه . في احد الايام اتى كويظم وقال لي ابو سكينه عندي خبر افرحك قلت له يالله كويظم شنو قال لي سوف اخطب قلت له يالله . وبداخلي اقول من هذا المخبل الي يزوجك بنته ههههههههه .. عموما قلت له انا حاضر لاي مساعده قال اريد منك ان تدعوا لي عند باب الحوائج موسى بن جعفر عليه السلام قلت له ان شاء الله عندما اعود سوف ادعوا لك . وخطرت على بالي الحصوه هههههه اخرجتها واعطيتها له قلت له كويظم خذ هذه واحملها بجيبك عندما تذهب لتخطب قال لي ما هذه ابو سكينه قلت له حجر غالي وثمين لتسهيل الامور قال الله يوفقك ابو سكينه قلت له بشرط عندما تخلص من هذه الشغله تعيدها لي قال ان شاء الله كان يوم اربعاء وكويظم راح يخطب يوم الخميس انا ذهب للبيت وعدت يوم السبت
عند دخولي للمعمل كويظم كان واقف بالباب عندما رأني شرد بالعراقي اي دخل البيت واغلق الباب . انا استغربت قلت لازم كويظم ما انظوه مره وزعلان عليه ههههههههههههههه .. عموما لم يخرج بعد ذهبت لكي اطلب من والدتة الشاي لانها تقدرني ودائما تعطيني شاي قلت لها خاله شلون كويظم قالت يمه ابو سكينه كويظم خطب قلت لها يالله خير يارب .. عجيب اذا لماذا هرب ؟؟؟؟؟ ..
قلت لها حجيه صيحيلي كويظم راحت اصيحله ما طلع بحجة مريض !! انا راسا عرفت انه طمع بالحصوه عندها تعصبت جدا وقلت لها حجيه عندي امانه يم كويظم اشتريتها قبل سنتين ب 450 الف دينار قالت خاله شنو الامانه قلت لها حجر وهذا الحجرغالي جدا وعزيز عليه اذا كويظم ما ارجعه الي راح اسويها عشائر اجيب عشريتي عليكم واسويها هوسه الحجيه استغربت قالت يمه ابو سكينه شنو السالفه قلت لها كذا وكذا قالت لا تهتم هسه اجيك عموما نصف ساعه واتت الحجيه ومعها الحصوه ههههههههه ....
وانا بدوري بينت لكويظم اني زعلان منه ولم اكلمه بعد ...
في احد الايام اتاني كويظم يعتذر مني المهم قبلت اعتذاره وقال لي ابو سكينه هذا الحجر بكم اخذته قلت له ب 450 الف دينار قال لي اتبيعه انا بدوري اخذت صفنه قلت خلي اوجع قلبه مثل ما وجع قلبي . قلت له كويظم اكو واحد ابيع مصدر رزقه وسعادته وتسهيل اموره . وبقى يتوسل لمدة ساعه .
وانا كل ظني انه لا يملك اي فلس ولكنه طلع نائم على مبلغ كبير هههههههههه .. ذهب وبعد ساعه اتاني كويظم ومعه مبلغ ال 450 الف دينار اعطاني المبلغ واخذ الحصوه ...اخذت المبلغ ويشهد الله تعالى كان كل نيتي ان اعيد له المبلغ فيما بعد واحتفظ بالنقود ولم اصرف منها فلس واحد .. وبعد اسبوع اتاني كويظم قلت له كويظم اريد الحجر وخذ فلوسك .. !!!!!!
قال ماذا تقول قلت له اريد الحجر قال عمي يا حجر هذا .لقد بعته !!!انا بدوري قلت والله هذه مصيبه ولك المن بعته كويظم قال لاقربائي قلت له ولك سويتلنه ورطه ولك هاي حصوه عاديه قال ماذا تقول
اذهب لامي وهي تحكي لك القصه ...
ذهب للحجيه كلت لها حجيه شلون كويظم ابيع الحصوه كالت يمه يا حصوه كتلها الي بعته لكويظم
كالت اسمع ابو سكينه قبل فتره اجانه خطار من البصره وهذا عنده معامله ابغداد صارلها سنتين ما منتهيه
وكل شهر يجي علمود هذه المعامله . وكالت يمه اني فكرت كلت لماذا لا اعطي هذه الحجره عندما يذهب للمعامله علمود تسهيل اموره وسبحان الله ذهب خطارهم واذا يجد معلملته منتهيه ..
وعندما عاد مستبشر وفرحان قال لها انا خطار وواجب اكرام الخطار اريد هذه الحجره مهما كلف سعرها كالت يمه كويظم طماع كام وباعها للولد ب 900 الف دينار . اني استغرب ماذا اقول بعدها وماذا افعل عموما قلت لكويظم
كوم ولك امشينه للبصره انرد الحجر . كال ابو سيكنه هسه عشريتنه يكتلوني شلون بعد عيب وما يصير . كتله ولك اريد حجري كال ابو سكينه هاي 150 الف دينار بعد واسكت ..
كم اصبح المبلغ 450 و 150 يساوي 600 الف دينار عراقي ...
وكويظم ربح 300 الف دينار عراقي
عندها قلت صدق من قال من اعتقد بحجر فان رب الحجر كفيله
ههههههههههههههههههههه
فد يوم اتى الذي يجلب لنا الحصو سئلته قلت له ابو علي بكم تريلة الحصو قال ابو سكينه 150 الف دينار قلت له ابو علي تحجي صدك اني بعت حصوه من هذه التريله ب 600 الف دينار كال تحجي صدك كتله والله عمي وهاي القصه ..
الرجل استغرب وهسه ابو علي يمشي ويلم حصوه بسببي هههههههههههههه ..
ولكي لا يقول البعض ان ابو سكينه قفاص ويقشمر على الوادم اخذت رقم الذي اشترى الحصوه من البصره واتصلت بيه قلت له عمي انا صاحب الحصوه قال عمي يا حصوه قلت له الذي باعها لك كويظم قال عمي الف رحمه على روح والديك . على هذا الحجر
عمي اذا عندك غيره اني مستعد اشتريه وباي مبلغ انت تحدده .
ههههههههههههههه
هل بقى بذمتي شيء ؟؟؟؟
ولكم الحكم
قــــــصة واقــــــعــيــة مـــنـــقـــولـــــة عــــن شــخص عراقي
العرض الشجري