ايتام الوطن تبجي واجاها العيد
وينه الي يهم بفرحة الأيتام
وينه الي يقلد حيدر الكرار
ويمرر يمينه ويمسح اعلى الهام
وينه اليدعي جده النبي المختار
ويلبس الأرامل افخر الهندام
وينه الشايل الغيره ويحب حسين
ويمثل كفيل العايله الضرغام
وينه القدم ايده تبوس بيها الناس
ايتام العراق اعلى الرصيف تنام
ويتيمه تحس دمع عين الغزلها الجوع
بردان الهزيله وشهكَت المنضام
ويتيم هناك نايم تحت جسر الخوف
ركب جفن الطفوله المطعم الأحلام
شاف بمطعم أحلام اليتامى الخوف
جالس عالكراسي بصورة الحكام
رجع يفتح جفن يتفزز الكابوس
لكَه أصحاب النزاهه ومشنقة إعدام
منصوبه ورجال هواي يمها تطوف
تشنق كل يتيم يكثر الأحلام
مـــــــشــــــــنـــــــقــــــة الأيــــــــتــــــــام
العرض الشجري