[زكي الياسري]

ثوابها لكم و الى اموات شيعة امير المؤمنين المنسيين و على الخصوص الشهداء الكرام وخدام الحسين عليه السلام
و أسألكم الدعاء


هاك العهد يا بالحسن ... يتجدد ابطول الزمن
ما ننسه للموت احسين .. .. و بهالعهد ملتزمين

يتجدد بطول الزمن
**1**
يا علي بميزان العدل .. واجب علينه انعاهد
يالفضلك اعلينه بلــغ .. اقصى المدى يالقائد
عاهدنه ما ننسه النِزف .. نزف الطفوف الخالد
عاهدنه منهج كربله .. نمشيه و الله الشاهد
هذا العهـد يالمرتضه ... دين ابركَاب الرافضه
و لازم نوفيك الدين .. .. و بهالعهد ملتزمين ... يتجدد بطول الزمن
**2**
من عالم الذر ياعلي .. عاهدنه نمشي ابدربك
يا بالحسن و العاهدك .. فاز ابجـــــنانه ابكَربك
ما ننسه من كَال النبي .. ملعون من شن حربك
يا منهل اليسكَي الضمه .. جنة الباري بتربك
يا علي بيوم الاخره ... جسر السراط و معبره
بيدك ينور العينين .. .. و بهالعهد ملتزمين ... يتجدد بطول الزمن
**3**
عهد المــــوده ياعلي .. لا بد يتم كَـول وعمل
والعشكَ لو ما بي فعل .. ما ينفع ابعرف المِلل
واحنه بثوابت كربله .. جلبنه من دور الازل
والضَدنه يا تاج العلم .. ثبَّت مضامين الفشل
من شبلك ورثنه الفخر ...... ما نرضه بالذل و القهر
قوتنه من دم احسين .. و بهالعهد ملتزمين ..يتجدد بطول الزمن
**4**
سر الخلود ابكربله .. خلنـِـــــبــحر ابأبعاده
شراد الحسين ابثورته .. و شحقق استشهاده
لابد هدف سامي كصد .. بي تبتدي امجاده
من كربله حسين انولد .. بيهه انبثق ميلاده
حسينك يحيدر من فزع ...... مقصوده تثبيت الشرع
ومن يومه حيدر للحين .. و بهالعهد ملتزمين ....يتجدد بطول الزمن
**5**
يا بالحسن شام الغدر .. ما حققت مطلبهه
ضنت تدفنه ابمقتله .. والشيعته ترهبهه
غلطانه بحساب العقل .. مشرب سقر مشربهه
زمرة اميه بالحشر .. و ليا كتر مهربهه
ويزيد ابن هند وحرب .... بالمحشر الناره يطب
وحنه ابمضيف الطيبين .. وبهالعهد ملتزمين ... يتجدد بطول الزمن
**6**
سيفك يحيدر كربله .. بي حاربت عدوانك
بيد الحسين المنحره .. ثبّت اُسس بنيانك
ورايتك ثبتت للابد .. من زمهه صل ميدانك
عباس ابو الغيره البطل .. تربيتك و نيشانك
نبتهه يم المشرعه .......ويمهه الجفوف امكَطعه
و احنه ابسببهن باقين .. و بهالعهد ملتزمين ... يتجدد بطول الزمن



زكي اليـــ النجفي ــــاسري