صوره وعزم من إثنين.......... والثالثه إنت إبن حسين
÷÷÷÷÷÷÷÷÷÷÷÷
يا صوره التشابه كلي هالصوره
على الأكبر نوره من النبي نوره
وعزمه من عزم حيدرعلي ودوره
بالطف من وكف والرايه منشوره
وكفتك وسط الوادي .......... يالأكبر
وكفت نبينا الهــــادي ........ يالأكبر
حيدر وبيده السيفين ........... والثلثه إنت إبن حسين
÷÷÷÷÷÷÷÷÷÷÷
مثل حيدر علي لمن وكف بالطف
زلم يبن الأسود بطلعتك تخذف
شردت من إجيت عليهه بالموقف
لأن سيفك فقار الموت هي تعرف
العامري بسيفك مصروع ........ يالأكبر
ورجعت راسك مرفوع ............ يالأكبر
صولتك من الجدين ........ والثلثه إنت إبن حسين
÷÷÷÷÷÷÷÷÷÷÷÷
يا صوت الشباب الما كمل عشرين
ياصبر الصبرته بالعطش صبرين
يا عين التكرها تربي ليك العيـــــن
ياجمرة فؤاد الضامي أبوك حسيــن
من صرت بين الفرسان........ يالأكبر
للصبر صرت العنوان ......... يالأكبر
سيف وضمه جتالين ........ والثالثه إنت إبن حسين
÷÷÷÷÷÷÷÷÷÷
إجت ليك السيوف بلهفه وبأصرار
مو إنته كصدها جدك المختـــــــــار
وتطلبك ثار من جدك علي الكــرار
و لهذا السبب تتكطع بأشفــــــــــــار
لمن طحت عل الغبره ............ يالأكبر
للنبي حزو نحـــــــره ............ يالأكبر
وكسرو لأمي الضلعين ....... والثالثه إنت إبن حسين
÷÷÷÷÷÷÷÷÷÷
يا صوت الحزن من الخيم لو صاح
علي يبني ذخرتك للحمل لو طــــاح
ودمك عل الأرض يبني أشوفه ساح
وتوذر جسمك بسيف ونبل ورمــاح
عل الغبره أشوفك مطروح ......... يالأكبر
يبنــــــــــي موذر مذبوح ............. يالأكبر
وفيت الربه وفيت الدين ......... والثالثه إنت إبن حسينِ
إلى من كانوا سببا لوجودي
أهدي هذه القصيدة
ابوتكتم الخير
قاسم طاهر القاسمي
8 /محرم /1433
ابوتكتم الخير:قصيدة (يالأكبر)
العرض الشجري