جيش وبجفهم تطشر
هذا جاسم هذا الاكبر
هذا موت عليها يفتر
والمجازر ............بالعساكر
.................................................. ...............................
صاح جاسم خويه الاكبر آنه ابدي
كبلك العمي الحسين بروحي افدي
ما يضوك الارض خدك كبل خدي
ما اطخ للكوفه هامه وسيفي عندي
ما اذلن لو اصد الجيش وحدي
وراح كاصد خيمة امه وكلها اشهدي
ماله ناصر ...............بالعساكر
.................................................. ......................
من سمع جاسم علي الاكبر دعاله
مرهفه هزه بيمينه بكل بساله
وجهه شع بالنور مصباح الرساله
اشبه الناس برسول الله وخصاله
ونسخه من حيدر علي بعزمه وقتاله
نادى هذا الجيش راح اعلن زواله
والمقابر ....................بالعساكر
.................................................. ......................................
خويه جاسم كال الاكبر آنه اوله
والد ومحتوم ابنه ايضحي قبله
لو تكطع جسمي يا جسام لجله
ما وفيت بحق ابوي حسين جمله
انذبح الفين مرة وعندي سهله
ولا اشوفن والدي والدم يغسله
للبواتر .................بالعساكر
.................................................. .....................................
صاح جاسم والنعم معروف عزمك
اسمك الاكبر علي وفعلك على اسمك
آنه ابن عمك يالاكبر همي همك
بس وصية والدي المسموم عمك
كال اول شاب اريدك يجري دمك
للذبح كبل الهواشم يمشي جدمك
يمنه حاضر ......................بالعساكر
.................................................. ..........................................
نادى الاكبر خويه جاسم صد عليه
آنه وانته اتوحدت بينه القضيه
يجري دمي اليوم وي دمك سويه
خلي هذا اليوم نعزمها المنيه
والمضيف ايصير ارض الغاضريه
بالجثث والروس نزرعها الوطيه
بالمناحر ......................بالعساكر
.................................................. ........................................
هجموا وطوفانهم اعلن حتوفه
وسدوها وما بعد تنشاف كوفه
والفرات من الغضب حركو جروفه
والخلاص بسيفهم مسحو حروفه
صاروا الذباح والعسكر خروفه
وجتفوا جيش الكفر بحبال خوفه
ماكو عاذر ..................بالعساكر
.................................................. .............
جاسم والاكبر عليهم افضل الصلاة والسلام
العرض الشجري