يسامــره من أمــــس لليـــوم بالتفجــــير والغربــه
وسجن العسكري ولوعات السم السره بكلبه
يسامره من أمس لليوم
*******
كافر من بني العباس .... يسامره سكاه السم
الأمام العاشر المظلوم .... وحده بغربه يتألم
أهله بالمدينه هناك .... لا أخ يمه لا بن عم
يغسله يكفنه ويدفنه ... ويجري دمعه من الدم
ويندب إبنه المحجوب ويلطم عل الوجه ويكول
يــغايب كوم إخذ ثارك وسل بتارك المســـــلول
يسامره من إمس لليوم
******
يسامره الحسن مسموم .... ويفجرون الكفر كبته
غريب وماله بيج إمعين ....ودموعه تجري إبسكته
سمعنه ونتي متسمعين .... يســـــــامره وعلي ونته
وفزعت الأنس والجان .... وخيالج آنه ماشفتــه
بنار السم والغربه فجـــروا كبته المسمـــــوم
إبجي ونوحي يالغبره وهلي إدموع من إدموم
يسامره من أمس لليوم
*******
يسامره ونعزي اليوم .... المهــــدي بدمعه نشكيلـــــه
ونكله من الدهر لوعات .... شفنه ومنها هل الليله
بسامـــــــره أبوك اليـــــــوم .... كــــــوم ويانه نمشيلــــــه
بالغــــــــربه وسموم الكوم .... تكطع سيدي دليلـــــه
يغايـــب والصبر بالســـم تكطع منهو اليشـــــده
على إدروبك عيون الناس ظلت والوعد عده
يسامره من إمس لليوم
*******
وجبد العسكري إتكـــطع .... بهاي إشكلتي يالغــــبره
وإبن الهادي عندج ضيف .... وتلهب بالكلب جمره
يا أرض أصبحت مثلـــج .... بيها المرقــــد إتفجــــره
أرض ونكرت المعـــروف .... وإتكول الله إمكــــدره
والله وكحه صلفت عين وذرة خجل ماعندج
وديعه عندج إوسموه وكبره إتفجـــر إبحضنـــج
يسامره من أمس لليوم
قاسم طاهر القاسمي
ابوتكتم الخير
5/ربيع الأول/1433
يسامره من أمس لليوم بالتفجير والغربه
العرض الشجري