[قاسم حتروش]

يــــا باب الحزن جيت أنشدك عل صار
جاوبني بصراحـــــــة وأكشف الأسرار
**********
يا باب الحزن هـــــــــل يوم يمّـك جيت
أسألك عل جـــــــره والصار أنه تعنيت
جاوبني بصراحة لــــــــو عَلــَيْ رديت
بالتفصيل أحجـــــــــي وأكشف الأسرار
**********
سمعـــــــــــت الباب ناده وهلت عيوني
أخاف أحجي الحقيقة ومــــا تصد كوني
وتفاصيل ألحجي هوايــــــــة وتكذبوني
راح أحجي اختصار اللي جـره وألصار
***********
أقسمت عل باب كتلـه حجيلي بالتفصيل
وأشرح لي عملها زمــــــــــرة التضليل
أدري بل حجي طويل ويهـــــــــد الحيل
أريــــــد أنت لتفسرلي يبــــــــاب الدار
**********
كال أخبار عنـــــــــــــدي تفززه ألكلبك
ويشت العقـــل منها وحـــــــــــــك ربك
وإذا أنت سمعتهــــــا أتـــّـيـــــــه لدربك
وأخاف عليك مـــــــــــــا تتحمل الأخبار
**********
رد وكـــــــال راح أحجيلك المضمون
لكن باختصار وأنـــــــــــه إلك ممنون
وشوف شعملو الأشـــرار لمــّت جون
أوّصلو بيت فاطـــــــــــم والدة ألأبرار
**********
زمـــــرة اللي أجت يمي أهــــل غدره
ومــــن يوم السقيفة عدها هـــــل فكره
تمنعهـــــا أرثهـــــــــا الفاطمة ألزهره
وتآذي الزجية بضعــــــــــــــة المختار
************
ضرب بيده ألزجية والجفـــــــن محمر
ودفعنـــــي عليهـــــــــــا وللضلع كسّر
وعله أعتابي بحقد نـــــــاره بدت تسعر
والصدر الـعـفـيـفــــة صوّبـــــه أبسمار
***********
طاحت عل أرض مهمومـــة أم حسين
ومـــــــــن هـــــذه فعلته توسدت للبين
مـــــــا نادت ولا صاحت يبو الحسنين
لان تعرف وصيته مـــن النبي المختار
**********
صاحت يــــــا عفيفة لــيّــــــه سنديني
وسط الدار يـــــــــــــــا فضه ددخليني
وعلــــــــــه فراش ألمنية بالله وسديني
وماتت فاطمة مــــــــن عصرت الغدار

شحجيلك بعــــد مـــــن شيعوها بليل
وكبر خافي علينه مـــرت شجم جيل
يا ويله ألعصرها صيح ألف يـا ويل
أكيـــــــــــد بنص جهنم مسكنه بالنار
************
خـــل نصرخ سويّـه وبكلب صافي
ليا ساعة كبرهـــــــــــا تايه وخافي
ونــّاشد أبنها نكلـــــه مـــــــو كافي
كوم أظهر كبرها وبيدك أخـــذ الثار

بقلمي
خادم الأطهار ( ع )
قاسم حتروش