[مصحح المسار]

ولي الله ورســـولة ياعلينة
ياعالي مقامك لتتكبر علينة
احنة بزود أبو اليــمة علينة
بشفاعة أحمد وحيدرفية
علي اثبت وجودة بـگـولة وفعال **** وزن فعلة علة گولة ماكو اشكال
علي كرم سجودة بترك تمثال **** عبد ربة يشكرة وعبـــدو الأموال
علي گلبة الحنون وطيبة أمثال **** وبوكت الحرب فارس و خيــــال
فتح بيبان خيبر بقــوة ارجـــال **** ولفاطم من تموت الدمـــــع سـيال
على ساوة البشروشرعة مثقال **** لمن ينطي الوزير اللـگمة والحـمال
علي ماداهن غدر بكل الاحوال **** نظيف الثــــوب والعـــاداه حـــــيال
يامن تدعي باسمة دربة چتـــال **** سفر تاريخ مـــنه قبـــلوا الاعـــمال
اصدگ بالطريق استوعب الأحمال
إذا شـــــطك درب الـ...فكـــرة لاتغــــتال
الدينك لاتزود عليــه أثقــــــال **** وتفــــــــــرق تســود تصـــير دلال
لا ترضة بقيادة بصيت جُـهال **** جنبهة المـــسيرة فرقة الأجيـــــــال
أئمة اثنعش بالرجعة والاقبـال **** بمذهبـــــــهم تأســـة شــد الحــــبال
نرجع بالتشيع لليمة ولمـــــــهم
نعيش افراح دنياهم ولمـــــــهم
خيعونة ال صدگ ربعة ولمهم
بعدل وانصاف للكرار جية