خادمكم اجيت انه اليسمــونــــــي ..... ابن رفيش بيكم روحة ملهــــــوفة
اجيت وروحي شايلها اعلى جف الليل .... وجبت جرحي الوسيع ورايد اتروفة
تصدع يالرضى ودلالي دكة الضيـــــم .... من همومه جبته وريتك اتشوفــــة
اجيت من العراق ألحضرتك مــــولاي .... مو من النجف متعني للكوفــــــــة
ثلث طلبات عندك ادري مكَظيـــــات .... ليش العندة اكثر سيدي اتعوفـــــة
حاشــــــا بيوم رديت اليجيك بضيج .... وحاشا اترجع انت المدلك جفوفــــــة
محبوس الدمع جــــوه الجفن بالعين .... لاواني الوكت بي حدت طيوفـــــــة
يكابر كلبي تدري وهـــذا صار سنين .... من ضيم اللفاني وربع صفوفـــــــــة
بحر احزان ممتد عمري كلة اعليــــه .... شلال وغرك بي ذبته حتوفــــــــــــة
تميل وياي روحي بمعشر الحســرات .... وكراب الزمن بجروحي لسيوفــــــــة
اوكع وانتجي وانهض واصيحـاً حيــل .... يمك يا علي واوراقي مكشوفــــــــــة
فرشت ايام صبـري وما اكول أيــــام .... هي سنين صارت دمعتي اتطوفـــــة
شاعر والقلم شـاهد لبو السجـــــــاد ..... بسـم حسين كل حروفة مجتوفــــــة
سجادة القصيدة القبلة الهــــا حسين ..... وتربتهـا المنصة وتتلـــي بحروفــــة
صرت وردة وتريد من النهر بس ماي ....حتى بهـــــــاي ضاع وطمته جروفة
واتممت طلباتي الثلاث لعائلتي مع طلبين اي المجموع اصبح خمسة والحمد والفضل لله عز وجل بوجه امامي علي ابن موسى الرضا ع استجاب الله لي دعواتي وتقبل سيدي ومولاي طلباتي وقد اعطاها لي وهم الان بخير وصحة وعافية ولم يبقى لامراضهم اي اثر والحمد والشكر لله .
مسيرةٌ الى باب الحوائج ...... بقلم احمد رفيش . ادخل فلا تخسر
العرض الشجري