غريب سليب ...... سليب غريب
**************
طبع بيه طبع من تربة القاسم
اليطب بيتي يضيفه ما يرد نادم
خلقنا الله خدم بس لبني هاشم
بعزيمتنه وصبرنه دولة القائم
غريب سليب ...... سليب غريب
**************
جزت روحي خطوتي تحقق الأمجاد
تطوف بكربلة جن ساعة الميعاد
تندب بالشفاعه إهنا يبو السجاد
طبت حضرتك وتريد منها مراد
غريب سليب ...... سليب غريب
***********
بشهادة مولدي إسمك كبل إسمي
حسيني والحزن غالب على رسمي
يا آية وأباهل بيك كل خصمي
لعبراتك عيون يصير كل جسمي
غريب سليب ...... سليب غريب
************
أحس ويه النفس يحسين إلك نسمه
طفل عشكي إلك من يشم صدر إمه
يديــــــــن الله التمــسك بيك تلتزمه
وبيوم الحـشر بجـنانك إتضمـــــه
غريب سليب ...... سليب غريب
************
محبتك ويه روحي تدري يا مولاي
مثل عشك الزرع يا سيدي للماي
تذبل سيدي لو ما أجي مشاي
يل تسري بوريدي وريع كل إعضاي
غريب سليب ...... سليب غريب
***********
ضميري والولايه ساعدي وجفه
ولجلك سيدي بالروح إلك وفه
الماي بكل نهر ضايع بلا جرفه
الماي محبتك ، جرفين إله اللهفه
غريب سليب ...... سليب غريب
**************
روحي لليضدك فارس بميدان
ومحبتك كلفقار ويحصد العدوان
بعزيمتنه يتزعزع عرش كل طغيان
لا ظالم ثناه ولا بني سفيان
غريب سليب ...... سليب غريب
أبو يعرب الجنابي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــ
القاسم : مدينة القاسم إحدى مدن الحلة الفيحاء
: وسميت بهذا الأسم نسبة الى الأمام القاسم إبن الأمام موسى الكاظم
غريب ... سليب
العرض الشجري