مل منه الصبر
كضينه العمر ننتظر روج الماي ــــــــ
بلجن يوم يوصل طارف النهران
وناطور العمر عل السجه خليناه ــــــــــ
وعمت عينه العمر إبلا خجل سهران
وكعدنه إعله الجرف ننطر سفينة نوح ـــــ
شوكت توصل سفينة نوح والسفان
وهاي سنين مرت كلها ضيم بضيم ــــــــــ
ولا وصلت سفينه ولا وصل سفان
مل منه الصبر جزعان حد الموت ـــــــــــ
كلي بيا وجه يتواجه الوجعان
وخاوينه المنيه حزام ويه حزام ـــــــــــ
وتاليها المنيه تفارك الخوان
طفح بينه العطش وكصدنه ملهوفين ــــ
نريد الماي منك وأنته هم عطشان
وصارت الدنيه عراضه والوكت تابوت خلفه تهوس العربان
شوكت توصل يحادي النوك ـــــــــــــــــ
مو تدري بكشايه يجلب الغركان
وسبحنه بهواك وصرنه عكس الروج ـــــ
ولن الروج عاصف والنهر زعلان
وغركنه...و نسولف بيوسف ويعكوب ــــــ
لمن غاب يوسف خاوته الأحزان
شوكت كلب الرعيع يهيد ــــــــــ
وي يودع الرفيف وينسه الرجفان
غمك بينه الجرح أو وصل حد الهام ـــــ
شاييفلك جرد يصبح جسم إنسان
وضماد الجرح بالملح نكعناه ــــــــ
ورضعنه العلكم وكلنه العمر خلصان
تدريبه اليحب إ شكثر يتعذب
ولا عينه تغمض باليل يتكلب
ومعذور اليحب مرات من يغضب
تدريبه اليباري الدرب مايتعب
حتى الموت كرب وأنته ماتكرب
مته تظهر مو حتى الصبر غرب
ابوتكتم الخير ( قاسم طاهر القاسمي )
مل منه الصبر
العرض الشجري