[القلب الاسير]

لسان حال فاطمة العليلة بنت الحسين عليهم افضل الصلاة والسلام
كعدة
اه ... يا جمرة زماني ..... شكد اتاني
عود هم يلتم شملنة .... وترجع البسمة لهلنة
شكد أتاني
اه ياروحي العليلة عالسفر حدوا اهلنــــه
ونبقى بس بدار غربة وبينه يتسلة حزنـه
لا يكلبي شلون تغفة ويبتعد هالليلة عنـه
حسين ابن خير العمل .... ياروحي وعيون الاهل .... لا بسمة تبقة ولا امل
ولا دمع يبقى بجفنه
اه ... يا روحي الحنينة ..... شكد حزينة
بالدمع اروي حناني .... وبالحزن ضيمي رواني
شكد اتاني
يافجر لاتطلع ابقـــى طَوِل الســـاعات اليــــــة
خلي اشبع شوف منهم اهلي وورود الزجيـــة
بكلي تشفة الاه لحظة والــقــدر يلـطـــف عليه
لا اضل وحدي بالغرب .... وعيوني تربي على الدرب .... ما عندي روح ولا كلب
والمرض ضل يسري بية
بخنجر الحسرة طعني ..... شكد هظمني
وبالهظم وكتي لواني .... ومن زغر كلبي اعتناني
اشكد اتاني
لا ابد ماتهدا روحي طفلة بهومي عليلــــــــــــة
وابقى بين اجروحي وانحب عيني بدموعي ثكيلة
وشدت ايام الماسي والليالــــي شكد طويلــــــــة
والغربة بية ما تحن ..... مرسومة بجتاف الحزن .... خلت دمعتي اعلى الجفن
تلون دموعي العَليلة
وخيط بجرحي دمعتي ..... من حسرتي
وشال من ليلي الاماني ..... وهمة ابد لا مانساني
شكد اتاني
شلون اودع حسين واهلي ينفجع كلبي الغيابة
ويكسر جناح الاماني والجفن من دم خضابــــة
من حلم جانون ناري اتوقع وباصم كتابــــــة
تبقى اعلى روحي موجرة ..... وكون اصبر اعلى اللي جرة ..... رغم العمر مني جرة
وراح يتوسد مصابة
من زغر عمري فجعني ..... مارحمني
وجم سهم دهري رماني ..... وما رحم دمعي ورعاني
شكد اتاني
جلمة الله وياك بوية بريكي وكفت حيل كلفـــة
اصفن الليل اليجيني شلون دونك عيني تغفة
اشلون اودعك كلي انت وكلبي مد اعليك جفة
يريد اِيدك اتمدها اله ...... وياك يمشي الكربلة ..... بس هاية بوية المسالة
والمرض وياك يشفة
بوية بفراكك منية ..... تومي الية
تغيب يعني الموت اجاني ..... بوية يحسين ولفاني
شكد اتاني
طار كلبي وصـــادة همة وبالصميم الهم تعـــدا
وراد يرجع يـــــم دربكم والحزن من حبلــــة ردا
شكد جبيرة جروحي بية وهالجرح كل عمري هدا
يصفك على جناح العمر ..... يصفك على جناح العمر
بيـــة انرسم من الزغر ..... يصفك علـى جناح العمر
من ليلــة مـرت للفجـر .... يصفك على جناح العمر
والعمر بغيابك انت يبقى بجروح الليالي

خادم اهل البيت ع
الاقل
احمد رفيش