[سفينة البحار]

الا ليت ....الطفولة ....بي تعود
*********************

جنه ازغار نحب الدنيه بكل ما بيهه
نركض نلعب فرحانين ولعبتنه الدنيه مخليهه
.......................
بيت ازغير بس جامعنه مرتاح البال وفرحان
واحد شايل هم الثاني ومايوم المرت احزان
امي بكل ليله تلوليلي وتسولفلي على السلطان
...
اغفه وارتاح بحضن امي وما اكعد لما تناديني
يوليدي اكعد روح لبابا باحلى الجلمات تحاجيني
اتريك واسمعه تردد اكبر يوليدي وباريني
يوليدي وياريت وليدك يتربه بهاي الاحضان
........
العب واخسر ارجع ضايج تراضيني امي بضحكه وبوسه
تكلي تعلم بس لاتهتم شوف الكون واقره دروسه
دولاب يفرك يوليدي وحدك يوم ويوم بهوسه
تكلي المايخسر مايربح والرابح لابد خسران
........
وكبرنه وكبرت ويانه ايام البيهه احنه ازغار
اتذكرهه وتطلع حسرة وجمرة نار
وين الدعبل وين النوجه وين الشارك والطيار
وين الطوبه ولعب الطوبه
وين الحيل الجان ويانه شماتلعب مترد تعبان
.......
جنه ازغار نحب الدنيه بكل ما بيهه
نركض نلعب فرحانين ولعبتنه الدنيه مخليهه


تحيــــــــــــــــــــــــــــــــــــــاتي