[قاسم حتروش]

تعنت ألبضعــه ألزجيه *** اليـــــوم تنشد عالجسر
تنوح مهمومة وحزينـــــــــــــة عــــــــــله المسموم
********
تعنت لبغداد تنشد عــــــــــــــن أبنـــــــها البل سجن
تنشد السجّان عنــّه مكبعــــــــة بضيــــــــــم وحزن
آه يا سجّان كـــــــلي ويــــــن أبنــــــــــــي الممتحن
ويــــن وداه المعـــــــــــادي وشعمـــــــل بيه الزمن
كلها مــرمي عالجسر *** لا يحــــه ســـــم الغدر
بأمــــــــــر هـــــــارون المعـــــــادي صابته سمـوم
*******
مشت يم جسر الأيمة وصرخت بكــــــــلب الحزين
وين يا سجّان كلي نعـــــــش أبنــــــــــــي كلي وين
أرد أشمه وأرد أودعــــــــــه لبـــــن خير المرسلين
موسى ريحانة محمـــــد جـــــدّه سيــــــــــد المتقين
آه يبني يا لغــــــريب *** المات وبقعر السجن
تصرخ بصـــــــوت الفجيعـــــة بكــــــــلب مهمــوم
*********
إجت تتعثر بهمها وتنعـــــــــــه مهمومـــة وتصيح
ولكته ألبضعـــــــــة كلبها عالجسر مرمي وطريح
ركضت عـله النعش أمـــــــه وكامت تكوم وتطيح
وشافته بسم المنية عـــــــالجسر واكـــــــــــع ذبيح
حضنته ألــذاك النعش *** والدمــع منها يصب
نوحوا يـــــــا شيعــــــــة ألمصابه بكـــــلب مالـوم
*********
شكد نوايب شفت أنه والله مــــــن هـــــذا الدهر
بدت يوم الطاح بيها والــــــــدي سيـــــــد البشر
شكد كفر والحاد شفنه من أيد أيهــــــــــذه الزمر
ومن بني سفيان شفنــــــــه أشـــــــد أنواع الكفر
يوم ذبحـــــوا مهجتي *** وعالرمح راسه أنرفع
وكطعوا جفوفة العضيــــــــدة وراســه مهشوم
***********
من بني العبــــــاس حكمت شفت أنـواع العجب
سممت مهجــة أولادي بلايه عــــــــله ولا ذنب
وذرت مهجته الموسى بخمسة وعشرين برجب
بالسجن مسموم أبني ليش وشجــــــــــان السبب
أبني مسموم بغـــــدر *** وشيعــــــته متـجمعة
جابت الدكـــــــــتور يمـــــــــه تريـــــــد العـلوم
*******
جابت الدكـــــــــتور يمه وتسأله عـــــــن الـخبر
تريد تعرف منه كل شي وتنشــــــــده عن الأمـر
جاوب الدكتور كلهم هـــــــــــــذا مسموم بغــدر
وبسبب ســــــم ألمنيـــــــه غـــــايب اليوم البــدر
وين أهــــــله وكربته *** خـــــل تطالب ثــارة
مـــــات مغـــــــــدور أبـن جعفــر كظه مســموم
*********
جاوبت شيعته تكــلــّه هـــــــــذا هالميت غريب
جابه هارون النذل هجّره مــــــن أرض الحبيب
عاش مظلوم بغربته وأبد مــــــا له كـــــل قريب
أنــّوح هذا اليوم لجله وزايـــــــــد لأجله النحيب
أرَض طيبه مدينتــه *** وهو مـن آل الرسول
هجّــــــــره الطاغــــــي اللعين ومـــــات مظلوم
*******
نوحوا يا شيعة ألمصابه ولجله خل نعـلـــن حداد
ونجري دمعات الحزن ونلبس لأجلـــــــه السواد
موسى بضعه مـن ألزجيه وجدّه خيـرة هل العباد
يجازي كلـمـــــــن حزن لجله هناك وبيوم المعاد
موسى بن خيــر العمل *** جــدّه فارس خيبره
عــــــنده منهــــــاج ألرســــــالة وكـــــــل العلوم
*********
نسأل الباري وننشــــده بجاه صاحب هل المصاب
يعجل بمخـــــــــــــرج ولينه لبأرض سامره غاب
ضاق بينه الوكت تـــــــدري يا أبن داحي الأبواب
يمته نسمع صيــــــــحتك وأحنــــــه لنلبي الجواب
يمته نسمع صيحتــــك *** عــــــدلك تـــراوينه
تنهـــــــــي الآلام الأحبّــــــــة تـزيـــــــــــل الهموم

بقلمي
خادم الأطهار (ع )
قاسم حتروش