[ابو معاد النجفي]

عندي اعتاب وياك..يبو طلبه انه اهواك
كلبي محمل اهموم..اجيتك أشكي اليوم
رايد حاجتي ادواك

اجيتك امشي وتركتك المحله
عفى كلبي شكبر همه احمله
اريدك جرحي مولايه تشله
الطالب حاجته انت تسئله
لكبرك زاير ايهوم..ابد مايعرف النوم
يريد النوم بحماك

همت مولاي بيكم لحد الجنون
وعل مصابك تهل ادموع العيون
كلي بطلبتي و بطلبتي اشلون
انت التنطي مراد اليزرون
عطيتك مثل النجوم..ابد ما؟ترد مظلوم
تنطي امرادك العاني وزاراك

اجيتك زاير وعارف قدركم
يبو طلبه عظيم ويانسبكم
أبجاه الفحل والزهره امكم
يبقى ابو الفضل رافع علمكم
تبقى روحي تحوم..شفيت بكثر مالوم
انت بكل كلب مايوم ننساك

اذا جار الزمن وياك مرات
تحمل بالصبر واذكر النكبات
وعل باب الحوائج تهون شدات
طلبتك لوطلبته ابد متبات
يطرد عنك الشوم..وعنك يجلي ا اغيوم
بس تلهج بذكره كون ينخاك

اجيتك معتني زاير ضريحك
بيدي الزمه لبابك واصحيك
اصيح بصوت مولاي طريحك
اسمع مني هالجمله اريحك
اجيت اليوم مهظوم..يبو طلبه يمسموم
ريت الموت ياخذني وياك

خادام اهل البيت
ابو علي السعيدي