[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم


مولــــــد سبــــــع اﻟﮔنطـــــره
ـــــــــــــــــــــــــــــــــــــــــــــ
إبنك العباس هَـــل إهلالــــه === وإعتله بالكون نجمه إو لاله
ــــــ
ياعلي ميلاد سبـــع اﻟﮔنطــــره == هَل علينه اليوم نوره هالسره
واﻟﮔمر غاب إستحه منّه إو جره == نــــــور عبــــــاس البدر يحلاله
ـــــــ
ياموالي هنّي حيدر والنبي == مولد العباس هاليوم الأبي
ياجماله شع ضياءه هالصبــــي == كُل ظلام الكون يمحي إو زاله
ــــــ
هنّوا زينب بالكفيل العالمــه == بالفرح ﺗﻟﮔوها زينب باسمه
هذا عباس الشهم ساﮔي الظمه == من يمرهــــــــــا الضيم تِتْعنّاله
ــــ
للحسن قدّم تهانـــــــي يامُحـــــب == هذا أبو فاضل أبو صدر الرحب
لو يواجه مية ألف ما يرتهب == إنولــــد هاليــــوم نوره إتعاله
ـــــ
والحسين اليوم هنّوا بالفـــــرح == ﮔلب أبو اليمّه تهنّه وإنشرح
من وجه عباس بالغيره نضح == ثغـر أبو اليمّه إبتشر يدناله
ـــــــ
هنّــوا ياشيعــــه الأمــــام المنتظــــر == هذا أبو فاضل سطع نجمه إو ظهر
ناصر الدين الحنيف البي ظفر == والمعالـــــي إتراﻓﮔﻪ إو تبراله
ـــــــ
ياكفيــــل الهاشميّــــه الهاشمــــي == شيعتك ﺗﮔصد ضريحك تحتمي
ما يرد زاير يبو فاضل ظمي == تنظـــر إبجيته إو تغيّر حاله
ـــــ
باب للحاجه صرت ياسيــــــدي == وإبضياءك كُل موالي يهتدي
عافيه إينال اليزورك يرتدي == يم ضريحك تنقبل أعماله
ــــــــــــــــــــــــــــــــــــــــــــــــــ ـــــــــــــــــــــــــــ
مع تحيات شاعر اهل البيت / جابر النجفي
http://www.wlidk.net/dldpgu61675.mp3.html