بسم الله الرحمن الرحيم
اللهم صل على محمد و ال محمد و عجل فرجهم
يشرفني اليوم ان اعرض على الاخوة الموالين قصيدتي التي كتبتها في الامام علي عليه السلام ( وفيها رد على النواصب) و اسالكم الدعاء يا حسينيين ...
يامولود غيرك ضمة بيت الله
و صبح قبلة اسلام بكل وكت مهدة
نعم ربك هواي و ما تعد فد يوم
و النعم حيدر لذلك محد ايعدة
لذلك لمن اكتب تضحك الاوراق
الحبر يصرخ علي بالفاضي اتبدة
شوصفك!!
شوصفك بالعلم وانت الصرتلة الباااب
غصبن عالحقد و الحاول ايسدة
اوصفك بالشجاعة و اشجع الفرسااان
كبل ما يلتقيك ايحضر ابلحدة
اسد تلحظ رجفهم لو تجي امن ابعيد
و اذا تزار تشوف اموات ممتدة
الكافر ما ينفعة هناك بس اثنيييين
واحد بالتشاهد ثاني بالشردة
خليهة بدر توصفلك الكرات
و الخندق يسولف عن ابن ودة
بالخندق رياح . رعود بس الريح
من سرعة حسامة. ارجوزتة الرعدة
اباحد عن النبي امن اتفرقت صحبان
بقيت انت الدعم و الجيش و النجدة
و خل ذات السلاسل و الحنين اشهووود
صرت درع النبي و سيف الله التصدة
و نمت بفراش طه و مو عجيبة اعليك
لان بس انت تحظر ساعة الشدة
عليييييييييييييييييييي
علي الاحيا السنن بعد النبي المختار
و نقذ نور الرسالة امن الرغب وأدة
علي صوت العدالة الينصر المظلوووووم
علي يحكم دول ياكل خبز جدة
علي بالحرب موت و اهة نص الليل
علي نبع الكرم عالحبة و الضدة
علي نفس الرسول الحاربة امن النااااااس
اقسم بالرسول الناس مرتدة
و على غير انبياء انفضل الكرار
و من يسمعني ناصب يشتم ابحدة
اذا يعرف محمد سيد الاكواااان
علي ثاني رجل عالكون من بعدة
عن اهل العزم اتكلم ابرهان
لا انتة و المثلك يمتلك ردة
ابراهيم قدم بس ذبح لله
و علي فوك الذبيح امسمم الفدة
لذا بلنار يدعي ابحق علي ابراهيييم
و كلبهة الله سلامة و راحتة و بردة
نوح ابنة كفر ما امن (ابهالدين )
صعد فوك الجبل و الوالدة اتحدة
و علي ابنة اللي تكطع بالحرب عباااس
انحنة (الدين ) و جفوفة اتكومة و اتسندة
ما بالغ اذا كلت انتخة ابعباس
اعتدل طوفانة خف ابجزرة و ابمدة
و اذا موسى النبي للخضر يسال شووف
علي صيحة سلوني انفقدت ابفقدة
بعد عيسى و علي ما حاجة للتفضيييل
النبي مأموم خلف المهدي من ولدة
و ينقدون النواصب بوسة الاعتاب
و يكولون اشركت يللي اسجدت عندة
اذا تحسبهة سجدة اني الارد اعليك
اسمع للجواب التعجز اتردة
ادم من تراب املاك سجدت ليه
لبو تراب بعناد اتحرم السجدة
ابصلب ادم محمد كال اسجدوا الله
و نفس احمد علينة الانتة متودة
اذا تحسب عبادة امحبة الكرااار
قسم اني الكبالك منولد عبدة
علي صهر الرسول و اخ الة و يمناه
ابن عمة و وزيرة و ناصرة و عضدة
عشر عشر العشر من عندة ماتلكوووون
ما ادوخك و اكلك الكة البكدة
هشر عشر العشر من عندة ما تلكون
ما دوخك و اكلك الكة البكدة
قصيدة (في الامام علي و فيها رد على النواصب)
العرض الشجري