[ايمن النجفي]

بسم الله الرحمن الرحيم

السلام عليكم اخوتي

اقدم لكم قصيده للشاعر نائل المظفر

يرد فيها على الاعتدائات المتكرره على زوار اضرحت الائمه ((عليهم السلام))

يقول فيها:

حسبالك نخاف وما نروح نزور
توقف بالدرب وشلابك تهدهن

جماعية المقابر نصها لزوار
مو أنت الـ تردهن ذاك ما ردهن

علَي صاير مجاهد لحيتك شبرين
وثياب الغجر للركبة لابسهن

سفارة بكل بلد مبنية لـ إسرائيل
إذا أنت مجاهد روح فجرهن

تكَطع راس شيعي وتدعي الإسلام
وبراس الجنان تريد تدخلهن

عبادة حجارة الشيعة ليش تقول .؟؟
لان عقلك حجارة ودنهي يعقلهن

تقلي أنت شمالك من الترب مرثوث
جاي أسجد عليهن ما سجدت ألهن

مثل ما حضرتك تسجد على السجاد
شو محد يقلك جاي تعبدهن

قصدنا المحتوى مو بالضريح نبوس
ولا تعني المعادن إلنا بوستهن

بس ندري بـ *علي* واقف ورى السباش
وندني الشفايف حتى يختمهن

ينعرفن لان مادام مختومات
*الله* يحرم على النار شويتهن


وأكَلك عـ الولاية وعصمة أهل البيت
أنت بيا شريعة تريد تنكرهن

ولايتهم جنح وأعمالنا أحنا طيور
إذا نقطع جنح ياهو يرفعهن

ما تصعد صلاته الـ ينكر الكرار
لان طرق السما بس *علي* الـ يندلهن

*علي* *علي* الرد الشمس أكبر جسم بالكون
بس شفوف سائل يعجز يردهن

*علي* الـ لبس الخادم ثوب أجد من ثوب
وثيابه السمل للموت لابسهن

*علي* ولولا *علي* الـ كلهن يحلهن شان
و*علي* إلي ما يحلهن *حيدر* يحلهن

خيبر يفتهم ما عاندك عـ الباب
بس يعاندك حيطانه تشلعهن

أسرع منطلق بالدنيا هو الضوء
وأنت النور *حيدر* يعني أسرعهن

ليش الـ تقص راسه عيونه مفتوحات
ما يلحق عليك شلون يطبقهن

لذلك بالحرب يتلمسون الروس
من تخطف عليهم خاف كَاطعهن

والبطران إجاني يقلي ليش تزور ؟؟
ومن قال القبور تفيد زايرهن !!

وإلك شوف القبب ما بيها لذكَة تراب
*جبرائيل* ينزل بيده يمسحهن


لو مسلم صدق أتناقش آنا وياك
بس أصلاً حرام أفكارك أسمعهن

قصة *موسى* آية وتخدم الأغنام
لان ربنا الغنم عـ العصى فضلهن

وأفضل من *محمد* عندك العصات
تفاهاتك هذي شلون أناقشهن

معروفة المذاهب سنة شيعة أخوان
أنت منين لا منهم ولا منهن

تضل خمسة الأصول الرابع *الكرار*
وتضل سبع الكبائر وأنت ثامنهن



القصيدة للشاعر العراقي
نائل المظفر