[جعفر المندلاوي]

لولا النواصب
=========

بقلمي
جعفر ملا عبد المندلاوي
16 شعبان 1433هجرية ::7 تموز 2012 ميلادية


لولا النواصب سيدي جيناك مشّايه
وتنصب مواكب شيعتك مرفوعة الراية
نلعن طواغيت العصر الحاربوا دينك
وحبك يظل بينه يشع نور وهداية
*****
لولا النواصب يالنبي ݘا زرنه قبرك
نكتبلك بدمنه عهد ما ننسى ذكرك
بآخر صفر من كل سنة نحيي مجلسك
مرفوعة رايتنه ترف باسم الولاية
*****
لولا النواصب سيدي نقّبل ضريحك
ونطوف يمك يالنبي ونشتم عبيرك
والمهدي يحضر للطم والشيعة تنعي
ابمنبرك يبدي النعي بمنهل غديرك
*****
إسنين وي اسنين ممنوعه الزيارة
لو طاف واحدنا إنمنع وشنوّا الغارة
لا تُكفر؟ و لا تُشرك؟ هذا بشر مات
لا ينفع ولا يشفع ،،، بهاي العبارة
*****
وإنرد عليهم باليقين وثابت الراي
هذا النبي الخاتم وماحي خطاياي
هو شفيع الامة في يوم القيامة
يسقي اليحبه كوثر ومن صافي الماي
*****
وقبر الزجية نزوره بجانب المحراب
ونعلن ظلمها للبشر من زمرة اعراب
هاي البتولة الطاهرة تمضي حزينة
وتشكي حزنها للرسول ورب الارباب
*****
يا سيد الاكوان ويا خير البرية
فدوة الك شيعة علي كلها سوية
من ارض حيدر للحرم ننصب عزية
نسويها رغما عالنواصب مليونية
*****
ونعّجب الدنيا باحياء الشعيرة
تخدم مواكب عالدرب اهل البصيرة
واليّ يحبك يالنبي جنة مصيرة
والناوئك نار وسقر صارت حصيره
*****