ادري الفضل لامي بحب علي الكرار
--------
ادري الفضل لامي بحب علي الكرار
رضعتني بحليب من الولاية يدر
والي شايب يحبه من زغر شفناه
حب طير لحياته من يشوف الحر
واذا يحلف بحيدر ايده فوك الراس
يحس هوه الصراد وجنه بيه يمر
والرادت طفل تندب علي مولاي
يالعالم من الله بالجهر والسر
اريد وليد لابني تحيي بيه الدار
وسبع مرات تفتر بالصحن تنذر
ومن هذا الحجي صرت بعلي مفتون
بيه وصى اخوه وحشى ما يهجر
علي بعدي الخليفة والامير يصير
ورفع ايده مع ايده وبعد ما ضل سر
كالوا يا محمد وصلت احنه وياك
ابن عمك علينه رايد تامر
منك هالحجي لو من اله الكون
كال الامر جاني اعلن وبشر
طاعوا بخبخوا مثل طعم الموت
وركضوا للسقيفه بالقدر والكر
ضل يبرى السفينه بينه خاف الموج
مسولفهن نبينه وكاله اصبر
افلح من تمسك عروقة الثقلين
مع الزهراء وولدها وجه بيه يزهر
-----
بقلمي
23/10/2012
ادري الفضل لامي بحب علي الكرار
العرض الشجري