[زكي الياسري]

ها هو قد اقبل علينا بكل عنفوان الدموع .. الشهر الذي فيه انتفض الدم معلناً ثورة النصر على شفرات المواضي.


قصيدة في استقبال شهر الثورة محرم الحرام .. أهدي ثوابها لكم و الى امواتكم و اموات شيعة امير المؤمنين
عليه السلام من لا ذاكر لهم يذكرهم و نسألكم الدعاء





هِــل علينه ... يهـلال بدمــــوع الشجَـن

هِـــل علينه ... كثــرت مُضــــلات الفِتن

هِـــل علينه ... يهــــــلال هـذا آخر زمن

1

هذي يهلال الحزن صرختنـه مـن عُمـق المَشاعِر

طلعت ابصـورة دمـع أحمــــــــر نِبَع مِن المَحاجر

هذي يهلال الحزن عَبــرات ترسمهــــــه الضماير

كل حرف ثورة ألـم و الغايـــه تحريــــــر السراير

هـذا بركان العقايد و احنه اصحـــــــــاب البصاير

ندري بالدين انمسخ لو ما صــــــــراحة هلشعاير

و العباره ... باطـل او حگ ما ينجمع

و العباره ... هلصـــــوت لازم ينسمع

و العبارة ... ثورة دمــه و ثورة دمــع

هِل عَلــَينه

2

يا هلال ابجيِّتـك تتجــــــــدّد الــــــــــــــروح الأبية

و ابطلِعتـك تِتّضح مُجمَـل تضــــــــــاريس القضية

اويـاك نعلِــــــــــن إنتمـاء المدرستنــــه الغاضرية

و ابكرامة و عنفـوان انصيـح شيعيـــــــــة الهوية

و بيك يهلال الحــزن نتذكـر ادمــــــــــــوع الزچيه

من بچت لجل الي خلصَــوا ذبح بسيـــوف آل امية

فاطمية ... هــذي المــدامع لو جرت

فاطمية ... جمـرات لــوعه اتوجّرت

فاطمية ... أشـــلاء نـــــور اتناثرت

هِل عَلــَينه

3

يا هلال الإنتفاضة بگلــــب كـل شيعــــــــي و يقينه

تضوي شُعلتهـا كرامــــة ابطاقـــــة الدمعة الحزينه

من طلع ضعن الحُسَيــــــن و فـارگ احـدود المدينه

و أعلن ابكل عنفوانـــــه الثــورة ضد الخــــان دينه

طلع ويَّــــــاه النصـــر مكتــــــوب و النـور ابجبينه

طلع وياه الحِـــزن مَحفـــــوف بآهـــــــات الضعينه

زينبية ... دمعـــــــه جـِهـاد ابكربله

زينبية ... صَــرخة رفض متواصله

زينبية ... تمّمَــت مَغــــــزى القافله

هِل علينه

4

مدد دين الباري صــــــاح و صـاح لبيـك ابو فاضل

آنه يا دين الله أصــــلاً مِـنـــــــولـــــــد لجلك مُقاتِل

و الشمايل حيدريــة و سيفــــــــي يا دين الله عادل

لو قِسَم حظ الغضب بيــــن الجَمـــــاجــم و الهَياكل

آنه سبع الگنطرة وحامــــــي الضعينه و ما أجامل

آنه للتاريخ صـارن صِــــوَر حَمــــــــــلاتي فواصل

جودي ... تشهــــــد عليه الملحمه

جودي ... نبــراس يــــوم الموزمه

جودي ... مـــن صار روّاي الضمه

هِل علينه

5

يا هلال الدنية ظلمــــه و غاصت اببحر الضلاله

و انتهت آخر فصـــــول الديــــــن و آثار العداله

من يزيد اعلن فســـــوقه و رفع رايــات الجهاله

و انته يهلال الأمــــل ردّيــت للديـــــــن الأصاله

و الذي ينشدنه عنــــك لازم انجـــــــاوب سؤاله

انگله عاشــــور المَجـــد جـدَّد مفاهيـــم الرساله

واضِـح ... منهاج سبـــط المصطفه

واضح ... اشعاع نــــوره مـــا طفه

واضح ... بجروحه ديــن الله شفــه

هِل علينه
زكي الياسري النجفي
8/11/2012