[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

مصباح الهدى ( نزله )
ـــــــــــــــــــــــــــــــــــــــــ
راﻓﮓ الروح يبن إمّي الرِدَه == خويه يحسين يمصباح الهُدَه
ـــــــــــــــــــــــــــــــــــــــــــ
خويه يحسين يمهيوب عفتني إبكربله
صابره إو نار تظل دوم تراويني البله
والوكت دار لفه الضيم كفلت العايله
من بعد نور أبو الزود نسيت المرجله
إسمع الصار عليّه والسِدَه == خويه يحسين يمصباح الهُدَه
ـــــ
خويه يحسين لفه الليل ولاواحد فزع
حيدره إشلون على هاي صُبَر يوم السمع
ما إجَه إبساع حمل سيف يطرهم لو طلع
سيف الأقدار يحل موت إذا ينزل صرع
للسماوات وصل هذا الصَدَه == خويه يحسين يمصباح الهُدَه
ـــــ
خويه يحسين إجَت خيل أميّه للخيم
شردت أطفال والأصوات تنادي ياأشم
وجّوا النار على إيتام ولاواحد سلم
وين الأبطال تجي اليوم تشيله للعلم
وجّت النار أميّه الحاقده == خويه يحسين يمصباح الهُدَه
ــــــ
خويه يحسين شفت نور على رمح القدر
راسك الصار عجب دار قراها للسور
والرمح طال يشع نور يغطينه إنتشر
بالسمه الصوت والأملاك تسمعه من عبر
ريت الأرواح إلك كلها فِدَه == خويه يحسين يمصباح الهُدَه
ــــــ
خويه يحسين إلك صار جُرح وسط اﻟﮔلب
ينزف إدموم يظل دوم دِمَه إبروحي يصب
حايره اليوم والأقدار لفتني إبكل صعب
والمجد لاح يشع نور أشوفه بالحجُب
آني مولاي صفيت القايده == خويه يحسين يمصباح الهُدَه
ــــ
خويه يحسين تظل دوم تهزها رايتك
وين الأشرار تجي اليوم تشاهد ﮔبتك
فوﮒ الغيوم تبث نور تشوفه شيعتك
كل إلهموم يبو الخير تزول إبحضرتك
والمحب راح ينال الرايده == خويه يحسين يمصباح الهُدَه
ـــــ
خويه يحسين إلك صار مجد ما ينتهي
ﺗﮔصد الناس زحف ليك تزورك يابهي
كربله إبزود بالأنوار تشع تزهي زهي
يكتب الجاي إلك راح حبيب اليزدهي
بالسجل راح حبيب إيقيّدَه == خويه يحسين يمصباح الهُدَه
ـــــ
خويه يحسين تجي ليك تزورك فاطمه
ويّه الأحباب تطب دوم تجيلك لاطمه
تحمل الآه والأحزان تشاركها السمه
واليعاديك يبو الجاه يحل بيه العمه
واليحب راح ينال الفايده == خويه يحسين يمصباح الهُدَه
ــــــــــــــــــــــــــــــــــــــــــــــــــ ــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dld9ak19509.mp3.html