[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

هــــــذا عبــــــــاس الكفيــــــــــــل
ــــــــــــــــــــــــــــــــــــــــــــــــــ ــــــــ
هذا عباس الكفيل === ما إلَه أبداً مثيل
بالوفه ما خذ هويّــــه === من علي حامي الحميّه
ما إلَه أبداً مثيل
ـــــــــــــــــــــــــــــــــــ
للوفه العباس راضـــع == من حليب أمّه الوفيّه
غيرته المهيوب تلهب == ما نسه حامي الحميّه
يوم وصّاه إبأخيتَه == زينب الحرّه الأبيّه
ما نسه صوتك يحيدر == هذا أبو الشيمه البهيّه
ظل يباريها إبحنيــن === هيّه والغالي الحسين
ماخذ أنواره الزهيّـــــه === من علي حامي الحميّه
ما إلَه أبداً مثيل
ــــــ
راية الكــــــــرار بيده == هزّت إعروش الضلاله
يمنته الرفعت ضياها == ثابتــه إبدرب الرساله
عين كُل عاﺷﮓ عليها == والمجـــــد بيهــــــا تعاله
والعقيله تنظر إلهـــــا == بيها من حيدر أصاله
إيد أبو فاضل تشيل === رايـــــة الزود الأصيل
والشبل إيده عليّــــــه === من علي حامي الحميّه
ما إلَه أبداً مثيل
ـــــ
وصّت العباس أمّـــــه == ما يعوف إحسين لحظه
ما يناديه بالأخوّه == سيدي إيناديه يحظه
لو يمر بحسين أي شر == زود أبـــــو فاضل يحضره
نادت العباس يبنــــــي == ريت أمّه الزهره ترضه
ريت يقبلني الرسول === خادمــــــه إلبنته البتول
وإبني خادم للزﭼيّه === من علي حامي الحميّه
ما إلَه أبداً مثيل
ـــــــ
نفــــــذ الأمّـــــه أملهـــــا == ما نسه الساﮔــي الوصيّه
ما ترك زينب يباري == للضعن صبح إو مسيّه
من طلع من مكه ينشر == للمحبّـــــــه الهاشميّــــــه
لو سمع صوت العقيله == غيرتــــــه تنضح حميّه
صارمه إيشيل الغيوم === ما يفر عند الهجوم
بي يذل أهل الرديــــّه === من علي حامي الحميّه
ما إلَه أبداً مثيل
ــــــ
جوده فيّاض إبكرامه == ينبـــع الخير إبأصوله
ساﮔـــي العيله الفدائي == آيــــــه من عز البطوله
لو ﺗﻃﮓ منّه الحميـّه == كُل رجس يعلن إفوله
محّد إيواجه يمينــــــه == كُلها تشرد من وصوله
ما يخاف إو ما يهاب === بـــــي تذل كُل الصعاب
زوده يزهي إبكُل ثنيّه === من علي حامي الحميّه
ما إلَه أبداً مثيل
ــــــ
ظل أبو فاضل يجاهد == ثابــــــت إبدينه إو يقينه
بس ظلام الليل أسود == صــــــوّب إبأصرار عينه
من نزل عامود شرهم == إنفتــــــح ينـــــزف جبينه
سيف أحقاد البراهن == يسرتـــــــــه ﻟﺣﮔت يمينه
ظلّت إبلوعه اﻟﭼــفوف === تاهــــــت إبوسط السيوف
بس ﺑﮔت بالعالي هيّه === مــن علي حامي الحميّه
ما إلَه أبداً مثيل
ــــــــــــــــــــــــــــــــــــــــــــــــــ ـ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldshz47498.mp3.htmlليكم