[القلب الاسير]

ان خدري وصبري وولائي ..... شعلةُ الخلدِ على طف البلائي
ودمعةُ الدهري .... في كربلا عمري
شعلةُ الخلد على طف البلائي
انه ام الخدر زينب على عيون الشمس اسمــــــي
فصلت الليالي الســـــــود للحج واحرم بهمـــــــي
من طبرة علي الكرار ظلت جمرته بدمـــــــــــي
وعلى جروح الدهر وقع صبر ضلع الزجية امي
ان صبري لربي وعطائي .... بَلسمٌ لي فاض من خير النساءِ
بدمعة تجري ..... في كربلا عمري
شعلةٌ الخلد على طف البلائي
بســــلاسل صبري وايماني قيدت السبــــــــي وطفه
وسجنت الدمعة بعيوني وعلى الكلفات انه الكلفـــــة
همت بــــــالام نهر الدم ومن صبري انهدم جرفــــه
جرح كل الخليقة يهون بس جرحي فـــلا يشفـــــــة
صوتُ جُرحي الى الان ينادي .... صار رأساً على رُمحِ الاعادي
ياطالب الثاري .... في كربلا عمري
شعلةٌ الخلد على طف البلائي
انه الخيمة العيال حسين دكها جف شطر مرحب
ذخرني المرتضى الكرار اليــــوم النايبه لوصب
انه خيالي ودمعتي بليل لـــو طل يطلع محجب
انه الحرة العقيلة اسمي انه زينب انـــــه زينب
ان اسمي ودمي وحياتي .... راية الطف على كف صلاتي
كليلة القدرِ .... في كربلا عمري
شعلةٌ الخلد على طف البلائي
مشت فوك الجرح روحي على دروب الحزن والهم
وتعنه اعلى الرمح وياي راس المصحف اعلى الدم
وخيمت اعلى ليل الضيم يـــــوم الي سعـــــة وخيم
وحجيت بصوت ذو الفقار وعرش الظـالم اتهـــدم
ان صوتي على يومِ الطفوفي .... بات يحدِ على هامِ السيوفي
لا ينثني صبري .... في كربلا عمري
شعلة الخلد على طف البلائي
انـــه الحيدر لثــام الدين على أيـــــه الــــم لقمــــان
حكيمة من الهدى ورحمة ونذيرة بسورة الفرقــــان
على صوت الضمير الصاح الا من ناصر القرءان
وجنت راية اعلى جف عباس وانه العباس بالديوان
قد اتينا لقوم بكتابِ ..... قالها الله وقلت في خطابي
لساعةِ النصري .... في كربلا عمري
شعلة الخلد على طف البلائي
العقيلة بت علي حرة واسمهـــــا
زينب جرعت الدنية وسمهـــــــا
على جروح المتن ثابت وسمها
وهي الوسمت صبر الزجيــــة
الاقل.....احمد رفيش