ــــــــــــــــــــــــــــــــــــــــــ
بقلم جعفر ملا عبد المندلاوي
2/2/2011م/ 28صفر 1432هـ
-------------------------------
نقسم بأبو الزهرة === نوصل مشي إلگبره
لولا النصب وأهله === نزحف نشم عطره
ونكحلّ نواظرنه = والمرقد يلمنه
نقره مصيبة النبي ونواسي زهرتنه
يا أحمد ومعناك === محدّ گدر يدناك
سّر خفي ما نقراك === بس عليّ والعلاك
يا سِّر مجرتنه = حُبَك بطينته
علة وجود الكون يا أصل فطرتنه
يل گُبتك خضره === نلطملك بعشره
نضحيلك بكل شي === فدوه ألف مرّه
نمشي بملايين = إلـ گرُة العين
نمشي نواجه كل خطر ورضاك طلبتنه
مشايه والعباس === إنزور تاج الراس
هذا نبينا الهادي === رحمة لجميع الناس
وننصب مواكبنه = خدامك إحسبنه
ونعوض سنين المضت ونطيل ونتنه
إحنه إلنود حيدره === خلي يعلم المادره
نمشيها المِنَوره === ونزحف نشم منبره
ونبدي لطمنه = وننصب علمنه
چان النواصب تمنع ومحبوسة عبرتنه
للطيبة وجهتنه === والنبي غايتنه
نسحگ ظلام النصب === يا نور جلستنه
ونبايعك بالحرم = نهزم جيوش الظلم
ونعيد ماضي كربلا ونذكر مصيبتنه
وِنْشِدلَك السفرة === يا سيد العترة
هاليوم ننتظرة === واللطم بالحجرة
وهناك من نجتمع = نلغي رسوم القمع
ويصير(ذكرى) المنع وتبتدي صفحتنه
ونشكي النبي المختار === بعاشور واشما صار
من زمرة الأشرار === ذبحوا أبو الأطهار
مسبية زينب رايحه واجْرَحَتْ مهجتنه
وبكربلا مجربة === ما نخشه كل نايبة
ولو غدروا الناصبة === تخسأ ترد خايبة
ونجدد البيعة = دين الله منبيعه
شيعتنه كلها فداك يا أمل أمتنه
بيوم الگضى كارثة === لعبت يدٍ عابثة
تهموا نبينه بهجر === ومنعوا نَصُبْ وارثة
ظلموا نبينه = بحقد وظغينة
بيوم السقيفة إنقلبوا وخانوا شريعتنه
يالمهدي إحنه فداك === لارض المدينة وياك
ننتظر نتلگاك === ونتبرك بممشاك
والبضعة تحضر للبجي وبحبها لمتنه
ولارض البقيع بألم === نزحف وعالي العلم
نبني مراقد قمم === غصبن على من هدم
بروضة أئمتنه = ترتفع رايتنه
يالمهدي إنظر شيعتك تنتظر دولتنه
وأسألكم الدعاء لوالديَّ رحمهما الله
مشاية للنبيّ صلى الله عليه وآله
العرض الشجري