[الشاعر الغريب]

بسم الله الرحمن الرحيم

اللهم صل على محمد وال محمد وعجل فرجهم وفرجنا بهم ياكريم

القيده التاليه من وزن العكيلي + كلوم ونص




　
　
اشكد طغيان مانسونه ** اشكد عدوان ماذلونه

منا الذله ابد هيهات ** باسمك نرفع الرايات

اشكد طغيان مانسونه

..........******............

بحبك يحسين اتربينه *** ونذوب بحبك يحسين

جم دم بدم الضحينه *** وظلينــه بدربك ماشين

يشهدلك تاريخ الحاضر *** ويشهد تاريخ الماضين

عنك مايوم تخلينه *** لجـــــــــــــلك بالدم اموقعين

كثره ارهاب *** والدم يجره

شيب وشاب *** ضحه بعمره

كلما فجرو بينه *** حبك هو يحيينه *** اشكد طغيان مانسونه

...........*****...........

نقسملك بمصابك وادمانه *** والضلع ويه المحراب

ماننسه مصابك تدرينه*** بحبك نتحده الارهـــــــــاب

ماننسه اولادك واخوانك *** وماننسه دم الاصـــحاب

حبك يسري ويه ادمانه *** من جنه بنص الاصــلاب

انسه الناس *** وانسه جروحي

بكل احساس *** اوهب روحي

أنت اللي صرت عنوان *** لجلك نصبح القربان

اشكد طغيان مانسونه

............*****...........

ظنهم زوارك تتراجع *** ويمنعهم عــــــنك ممـنوع

من اصحابك عدنه العبره ***سوينه الاصدور دروع

تزحفلك الارواح وتحبي *** الاف والاف جــــــــموع

تستاهل كل كطره بدمنه *** موبس نوح وهل دموع

ضد الموت *** بأسمك نهــتف

نصيح بصوت *** لجلك ننزف

ردت بالوطن الطفوف *** علينه اجردن السيوف

اشكد طغيان مانسونه

..........******.........

أسمك معجم مايتوصف *** يتضمن كل الاســـــرار

ودمك يحسين اصبح ثوره *** اسس قانون الاحرار

ذكرك يرعب اكبر طاغي *** وتــــــتلبد منه الاشرار

يالحبك بلسم للشيعه *** وللمخلص درع من الــــنار

دمك نار *** لاماتخمــــــــد

حبك صار **** درع ومسند

من جنه برحم واصلاب *** حبك عنه ابد ماغاب

اشكد طغيان مانسونه

...........*******..........

شيعتكم ثابت موقفهه*** وانتو بشيعتكم تدرون

متهاب الناصب واقزامه *** فوك المنيه يسيرون

بين الموت وبين الذله *** ياما خيرهه الملعون

اختارو هالموت بكل عزه *** بغير العزه مايرضون

نظل للدوم *** نهتف بأســمك

يظل مختوم **** عالدم رسمك

نورك ماتحجبه غيوم *** وشمسك ماتغيب بيوم

اشكد طغيان مانسونه

*****************