قالوا لي هل تحب

الشاعر الغريب · بتاريخ : 06-03-2013 الساعة : 09:24 PM

سم الله الرحمن الرحيم

اللهم صل على محمد وال محمد وعجل فرجهم وارزقنا شفاعتهم

قالوا لي !!! هل تحب !! قلت نعم !! قالوا اوصف لنا حبيبك i

كالولي تحب كلت اليحب موعيب

الما يــــوفي بمحبــته تكثر اعيوبــــــــه

وادري باليحب يتحمل اللوعات

ومن دمعه اليـــــــهله ايـصير مشـــــروبه

كالو ياطبع مرغوب للعشاك

كلت طبع الحــــــــــــبيب يصون محــــبوبه

كالو وصفه المحبوبك بأيجاز

وكللّنه الصفـــــــــــــات البيـــه مـــرغوبـه

كتلهم صعب وصف الحبيب بساع

لان قلعه حبيبـي ومن ذهــــــــب بوبـــه

يشع نوره بكماله وبالحسن ايات

ومن اسمه تحس بيه اجــــمل اعذوبـــه

يسري اويه الدمه حبه ويغذي بالارواح

وعالفطره محبتـــي بلوح مـــــــــــــــــــــكتوبه

حبيته محبه الماتحدهه احدود

واعرّفنّه شيريد وشنـــــــــــــهي مطلــــــــــوبه

وبحر العشك غطيت حد الراس

واقدس هالحبــــــــــــــــيب واعبــــــــد دروبـــه

مايحله العمر من دونه والايام

واحس بدنـــــيتي بليــــــــــــاه مقـــــــــــلوبه

وعاداني الذي ماعنده قلب يحب

وعليّه اهل الحـــسد والحقد مجــلوبـــــــــــــه

كل ظنهم اعوفه الهالحبيب بيوم

وظنّه الناصبي يخوفنـــــــي باســـــــــــــــلوبه

ماعوفن حبيبي اشماجره ويصير

لوبالسيف كـــــــــــــطعوني الــــــــف نوبــــه

معقوله ايتخله اللي يحب باخلاص

ويعوف اللي بمحبته تنــــــمحي اذنوبـــــــه

حبيت الحسين بعالم الاصلاب

ومن حبه ابد ماصـــــــيحن التوبــــــــــــــه