[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

جمرات المُصاب في سامراء
ــــــــــــــــــــــــــــــــــــــــــــــــــ ـــ
جمرات المُصــــــــاب اليوم لــَهـّابــه === علي إبسامره... شالوا نعشه أحبابه
ــــــــــــــــــــــــــــــــــــــــــــــــــ ــــــ
علي إبسامره مسموم التقي شــَيـْعوه == على أطراف الأصابع للنعش رفعوه
بني العباس طه المصطفه فجعوه == فجعوا فاطمه وإنهد علي بابه
ــــــ
فجعوا فاطمه الزهره الزچيـّه اليوم == إبنها إو جـَرّعوه السـَم علي الموسوم
تنادي الشافعه يوليدي يامظلوم == إجيتك والگلب ينزف جرح صابه
ـــــ
إجيتك يبني والحسره وسط گلبي == ونادي إلعن بني العباس ياربــّي
على الهادي يعيني للدمه صـُبـّي == غريب الدار من أهله الظلم جابه
ــــــ
بعيد الدار إبنك يالرضا إبغربه == حليف الحق أبو إمحمد مشه دربه
صـُبر عالضيم وَكــّل حالته الربــّه == ثابت ما جزع وإتـْحمـّل إمصابه
ــــــ
ثابت ما جزع رغم المصايب هاي == أعـَزّيه الحسن إبنه إو أهل عيناي
إعـــزّي المنتظر وأهتف إلــَه شــَچـّاي == ضاع الدين بالهم صار أصحابه
ـــــــ
ضاع الدين والشيطان حل بالناس == والأشرارعاثوا بالأرض أرجاس
نواصب والحقد عدهم فلاينقاس == صارت هالأرض ياسيدي غابه
ــــــــ
صارت هالأرض ياسيدي المهدي == يــِتـْحـَكـّم عليها الخارجي إو يحدي
يريتك تظهر إو آني إلـَك جندي == وخـَلـّي الناصبي ينساه جلبابه
ـــــــ
وخـَلـّي الناصبي إيموت إبحسرته إيروح == على حـَظـّه يظل يبچـي يون وإينوح
شيعي آني إو غزت گلبي چثيره إجروح == وأنتظرك تزيل إهمومه وأتعابه
ــــــــــــــــــــــــــــــــــــــــــــــــــ ــــــــــــــــــ
مع تحيات شاعراهل البيت / جابر النجفي
إسمعوا القصيده على هذا الرابط
http://www.alshiaclubs.com/upload//v...ile=d56d69c123