[ابو معاد النجفي]

زينب تون مهظومه..يعباس.
والشمر جايب كومه..يعباس
زينب تصيح تنادي..وتصيح جدي الهادي
وتصيح منهو الحادي..متفيد خويه النومه
ادري بجفك منكطع..وعينك جف منه الدمع
والكلب هايم منصدع..خويه اصبحت مهمومه
الهم كتلني يابطل..وزادت اهمومي والعلل
انهض يبن خير العمل..وحدي تره ومالومه
وحدي بقيت بهالدار..وتحيط بيه الكفار
اليوم جاني الانذار..وجوه الكفر مشؤمه
التمت يخويه الصوبين..وتريد تهدمي الحين
وانسبي ترضه مرتين..وانه يخي معصومه
توليني خويه الكفره ..واصبح وحيده محيره
جاوينه سبع الكنطره..يفزع الي حل يومه
يفزع الي وي الكرار..ويذود عني الاشرار
اصبحت قله الانصار..واعداي تملي الحومه
اعداي كثرت عباس..لاذمه عدهه واحساس
منين اجيب الحراس..الكمر ينخه ينجومه
الكمر واكف عالباب..ويشوف ظلم الاجانب
مايعرف اهناك احساب..ولا ظالم ومظلومه

خادم اهل البيت
ابو علي السعيدي