[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

واويــــــلاه غــــاب الكاظـــــم
ــــــــــــــــــــــــــــــــــــــــــــــــــ ـــــــــــــــــ
واويلاه غاب الكاظم === وُفــْگدناه هذا الغانـــم
أبونه وين ضاعت ياعلي إعلومه === ألوج إعليه إختك آني معصومه
ــــــــــــــــــــــــــــــــــــــــ
ألوج إعليه أبويه راهب العتره == تنشدنــي عليه الطاهره الزهره
إجتني إتنوح وينه الملتهب صدره == وين الكاظم إبني غابت إرسومه
ـــــ
وين الكاظم إوليدي صـُفـَه إبيادار == جمر دلالي يامعصومه يلهب نار
أنوح إعليه من إسنين گلبي إحتار == روحي المحنته بالضيم مهمومـــــه
ـــ
روحي المحنته بالهــَم دَرَت مسجــون == والساجن يـِكـِرْهــَه باغي إو ملعون
لعنة خالقي تنزل على هارون == أحقـــــاده البغيضه دوم مذمومه
ــــ
أحقاده البغيضـــــــــــه لاحـــت إولادي == لأن ما ينطفي عدهم ضـُوَه الهادي
واويلاه گلبي إبحرگته إينـــــــــــادي == على الكاظم أبو الهـَدّات مهضومه
ـــــ
على الكاظم دموعي إتسيل مثل السيل == ياويلــــه السـَعـَه إبظلمه ألف ياويل
گضه عمره إبسجن مظلم نهار إو ليل == ما شــــاف الفرح والروح مسگومه
ــــ
ما شاف الفرح موسى إو مـُضـَه مسموم == عليه الحسره من روحي تون وإتحوم
أشوف الكاظميـّه بالحزن هاليــــــــوم == هذا إمصاب إبني الكاظم إو يومه
ـــ
هذا إمصاب إبني إو أحضر إوياكم == ياشيعــــــــة علي الكرّار مولاكم
آني أم الحسن هيهات أنساكم == ويـّاكم أون والروح مضيومه
ــــ
ويــّاكم أون للدوم ياأحبــــــــــــــــــاب == وأحضر مأتم إبني والگلب ينعاب
وشوف الناصبي يرمي إبحقد لــَهـّاب == تفجيـــــــر إو قتل وأحقاد محمومه
ــــــ
تفجير إو قتل وإرهاب ما أقســـــــاه == بأسم الدين والدين إنــْكـَرَه ويلاه
وين اليكشف الغــُمـّه يجي نـِتـْناه == ننتظــــره يزيل الزيف وإغيومه
ــ
ننتظره يزيل الزيف والينـــــــه == نمشي الكربله ويــّاه لحسينه
للكاظم نجي وإنــْعوّض إسنينـــــــــــــــه == گضاها إسنين تنزف روحه ملچــومه
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldtxa10707.mp3.html