[جعفر المندلاوي]

نـــاصر الإسلام

================

بقلمي

30رجب1433هـ
12حزيران 2012

--------------------------------------

إقره وتابع التاريخ او لا تنحاز *** وإتمعن حوادث والقصص أشكال

او مَيِّز بالعقل بين الجره والصار*** او فرزن كل حدث وكل حجي بيه ينقال

تاريخ البشر يحتوي زين او شين **** بس يا للأسف ينذكر شين الحال

مثل البحر يحوي الدرر بالقيعان *** ويطفو اعلى السطح الزبد والاوحال

مثل السنبله المليانه من تركع **** والما بيها لب شامخة وعال العال

وابو طالب شمس يسطع على الازمان***حكيم وفارس وعاقل وسيد إرجال

شريف أشرف مدينة واكرم البنيان*** عظيم الشان والاشجع على الابطال

گالوا كافر ومات اعلى دين الشرك*** حقدا عالرسالة وبغض سيد الآل

بغضا في علي سمّوا ابوه مشرك **** هو الجنة بيده ودفتر الاعمال

إختاره الآله يربي خير الناس ***** خاتم للرسل سيد مدى الآجال

ابو طالب كريم وبيته اطيب بيت *** كِفَل سيد البرية الكامل المفضال

بلطف من الآله الخالق الوهاب **** ابو طالب كفيله لا ابو لا خال

ومن صارت الدعوة واعلن المختار***هتف بين العشيرة بكل شجاعة وگال

يا هو الدعوتي ينصر او يخلفني *** وزير او وصي يبقى الآخر الآجال

سكتت كل عمامه وكل رجل حاضر*** بس حيدر يعينه بالنفس والمال

هناك النبي خصّه بالخلافة وگال *** خليفه انت وامام لكل زمن لو طال

وابو طالب يحث اولاده بالنصرة *** دين الله الحنيف المنتهى الامال

يوَصّي بحيدر وجعفر ابن عمكم *** (محمد) إنصروه بكل عزيز وغال

لان دينه الحنيف وخاتم الاديان *** واليتبع محمد ينجو من اهوال

وظل ينصر نبيّه بكل جهد يحميه *** ضد الشرك اهل الجهل والاغوال

وتحمل حصارالقوم ثلث إسنين ***ما بين الشِعَب رغم الضيق بالاحوال

وظل صابر ويصّبِربالاهل والناس *** ويدعو للآله الواحد المتعال

وظل بهيبته يحفظ اساس الدين *** ويناضل بهمة بكل عزم ما مال

ولمن مات ابو طالب نزل جبريل *** قم هاجر حبيبي بهالوقت بالحال

ويگله الناصر الحامي قضى نحبه *** تجهز للرحيل او بَيِّتْ القتّــال

حسدوا ابو طالب جي نصر دينه *** اوهُمّه جدودهم ماتوا عالكفر جهّال

وهذا بالقيامة الجنة تفخر بيه *** اوهُمّه جدودهم بالسقر باسوأ حال

لجن تبقى الشمس غربال ما يسدها *** ويظل والد علي التاج عالأجيال

ونسألكم الدعاء