كبل طسات دربك هسه كله الغام
------------------------------
انا شاعر حزن والفرح ما مر بيه
يدور على الضحكه والحلوك ايتام
الحزن عندي دفاتر بضهت الحمال
حسدت الخالي باله من يريد ينام
مكالب وي زماني وبالسرى الشدات
مو شدة و دفاتر ذيج للظلام
افكر بالوطن وبناسي كلها تصيح
تولونه كفر بالاسم بس اسلام
ال بالمليار بوكه تعتذر له الناس
والبايك دجاجه بمشنقه واعدام
على باب المحاكم صورة الميزان
بس اعور القاضي وعرج لمن كام
تنشد ع العداله بيا زمان تعيش
ماتت وي علي من حطم الاصنام
اخذها ودير بالك بالعكد تنشاف
يبين ابو ....... ه والعبر جدام
واذا تسكت تصبح مثل مرة شميت
اذا صاحت حرام وبالسكوت اتلام
خلها على الباري الكدر الارزاق
اذا نامت عيونك عينه عيب تنام
اكفر يا شعب باهل السياسه الجوك
ولا تباوع لعالي حدر كلها اغزام
نريد الفرج منهم والفرج مفقود
كبل طسات دربك هسه كله الغام
كبل طسات دربك هسه كله الغام
-------
بقلمي
النصيحة
العرض الشجري