[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

عباس وإحسين إو علي ( قصيده مولديه )
ــــــــــــــــــــــــــــــــــــــــــــــــــ ــــــــــــــــــــــــــــ
أفديهم إبروحي إو هلي === عباس وإحسين إو علي
أفرح وأهنـّي المـُختـار === شعبــــان شع بالأنـــوار
عباس وإحسين إو علي
ـــــ
خامس بدر هـَل إو نـِشـَرها إعطوره == وأم الحســـــــن هـَنـّت علي مسروره
وأملاك نزلت بالسبط مبهـوره == الله ما أحلى إو أَجــَل هالصوره
فرحان هاديها البشــر === والنور بالكون إنتشر
والتهنئــــه للكـــــرار === شعبان شع بالأنـــوار
عباس وإحسين إو علي
ـــ
إسمه الحُسين إمن السمه أنواره == هـــــــــذا الأسم الله القدير إختاره
جبريل جابه إو بـَلــّغـَه المُختــــاره == إبن النبي إو محـّد عـُرفها إسراره
والمُرتضه حامي الحمه === هنـّه الزچيــّه فاطمه
عيد إو فرح يومه صار === شعبان شع بالأنـوار
عباس وإحسين إو علي
ــــــ
عباس هَل نور الگمر مولانه == وأم البنيــــــن إبهيبته فرحانـــه
طيب الوفه هذا الوفي عنوانه == مـَيـْخيب زاير لو گصد ديوانه
ما أحلـَه نوره إو أعـْطـَرَه === موسوم سبع الگنطره
هنـّوا علي حامي الجــــار === شعبان شع بالأنــوار
عباس وإحسين إو علي
ـــــ
عباس عشگه ما يفارگ گلبي == يوم الأزوره ينكشف كل كربي
يمــّه أنادي المُقتدر ياربــــــــــّي == ثـَبـّت لبو فاضل حنيني إو حـُبـّي
أم البنين الــرَبــّتـَه === حُب المعالي رضعته
صار المثل للأحرار === شعبان شع بالأنـوار
عباس وإحسين إو علي
ـــــ

والمولد الثالث لبن هادينه == رابـــــع إمام إو طلعته تروينه
هذا علي اليوم إنولد والينه == هنــّوا الزچيه فاطمه إو مهدينه
هنـّوا الحُسين إبمولده === خلــّوا التهاني صاعده
زين العباد الأبــــــرار === شعبان شع بالأنـــوار
عباس وإحسين إو علي
ـــ
شعبان ياشهر الفرح هنيالك == هـــاذي البدور الساطعه تبرالك
بيهم عليت إو تزدهي أحوالك == هـَلـّت علينه ياشهـــــــــر آمالك
ريت الفرح ما ينتهي === وإنشوف أنوار البهي
ويـّاه ناخذ كل ثـــــار === شعبان شع بالأنـــوار
عباس وإحسين إو علي
ـــ
شعبان ياشهر الأماني جينــــــه == نحيي الحفل ويـــّه الأغر مهدينه
ويــّانه يحضر سيدي إيـــْهـَنــّينه == وإيزيــل هــَمـْنـَه إو يبتديها إسنينه
والفرحه تصبح للأبد === يتحقـّق إيصير الوعد
وإتهل عطايا الجبـّـار === شعبان شع بالأنـــوار
عباس وإحسين إو علي
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldedq38985.mp3.html