[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

يــــــوم اليجــــي المنتظـــــر ( مواليد )
ــــــــــــــــــــــــــــــــــــــــــــــــــ ــــــــــــ
يوم اليجي المنتظر نخلع ثياب السود
كــُلنا ننادي علي والمايحب مطرود
ـــــــــــــــــــــــــــــــــــــــــ
يوم الفرج ننتظر مولانه نوره إيفيض
ما ظل صبر سيدي وين العطايا البيض
للغاشم الناصبي بالطلعه راح إنغيض
وإنصيح يافاطمه هذا إبنچ الموعود
ـــــ
وإنصيح يافاطمه إبنچ ظهر بالكون
هاذي التهاني إلچ كل شيعته إيهنـــّون
سيفك علي إبيمنته وإنهار كــُل ملعون
ويــّاه نمشي الأغر ينعم علينه إبزود
ـــــــ
ويـــّاه نمشي الأغر وإنحارب الأشرار
والناصبي ينتهي يصبح مصيره العار
والخير ينزل على كــُل شيعته الأبرار
يبني الولي دولته والخير ما محدود
ــــــ
يبني الولي دولته بيها الأمان إيصير
والناس تمشي عدل ماكو أبد تقصير
وإيفيض خير السمه ممزوج بالتكبير
وإيفيض خير الأرض تنطي نعمها إتجود
ــــــ
وإيفيض خير الأرض ما يبگه أي جوعان
وإنعيش إخوه نظل حــُب إو عدل وإحسان
وإيزول كــُل الألم ما تبگه أي أحزان
وإيروح كــُل الظلم بابه يظل مسدود
ــــــــــــــــــــــــــــــــــــــــــــــــــ ـــــــــــــ
مع تحيات شاعر أهل البيت / جابر النجفي
إسمعوا القصيده على هذا الرابط
http://www.wlidk.net/dldupc25744.mp3.html