[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

محرابــــــه يـُجـــــُر حســـــره ( في إستشهاد الكرار عليه السلام ) ــــــــــــــــــــــــــــــــــــــــــــــــــ ــــــــــــــــــــــ ـــــــــــــــــــــــــــــــ
يصيح الآه ــ يصيح الآه === محرابه إو يـُجر حسره
شلون أنساه ــ شلون أنساه === طـُبــــــرت هامتـــــه الشفره
ــــــــــــــــــــــــــــــــــــــــــــــــــ ـــــــــــ
علي حبـــــــــّه يناغينــــي == كـُبر ويـّاي من زغري
علي الصوتــــــه ينادينـــي == وظل أسمع إلــَه عمري
علي أحلامــــي وإسنينــــي == يظل دمـّي إبهواه يجري
علي روحي إو نظر عيني == أزوره إو ينطفــــي جمــــري
أظل أهواه ــ أظل أهواه === أزوره إو أعتنـــــي الحضره
شلون أنساه ــ شلون أنساه === طـُبــــــرت هامتـــــه الشفره
ــــــ
علي إبسيفه إستقام الدين == مـــــــا ثــَنــّه أبد ضربه
علي والد حسن وإحسين == ليـــــش إلــْتـــَمـّوا الحربه
علي عالحق أبو الطيبين == أبـــــد ما خالفه الربـــّه
علي مولاي نور العين == عذب ما ينمحي حبــّه
يصيح التاه ــ يصيح التاه === إحضرنــــــي يبو العتـــــره
شلون أنساه ــ شلون أنساه === طـُبــــــرت هامتـــــه الشفره
ــــ
علي إبسيفه كشف ظلمات == عــن وجه النبي المختار
علي الماذل أبد هيهات == بــــــــس للواحد القهـّار
علي عالضيم أبد مــَيــْبات == بساحـــــــــات الوغى كرّار
علي البنص شطر هامات == راواهـــــا اللظـــــه والنار
چبير الجاه ــ چبير الجاه === محــــــّد يوصــــــل البحره
شلون أنساه ــ شلون أنساه === طـُبــــــرت هامتـــــه الشفره
ــــ
علي ميزان بين الناس == مــــا يظلم عدل حكمه
علي منصور ما ينقاس == ولا واحــــــد وصل حلمه
علي مرفوع دوم الـــــراس == حلو المنطق عذب إسمه
علي غيره إنمله إو إحساس == يشــــع وجهه إبأرق بسمه
أعيش إوياه ــ أعيش إوياه === عشــــــگ حيدر برد جمره
شلون أنساه ــ شلون أنساه === طـُبــــــرت هامتـــــه الشفره
ــــ
علي إتــْمنــّه الشهاده دوم == گضــه عمره يحن ليها
علي محرابه دامي اليوم == بالسجـــــــده إو حظه بيها
علي إبسيف الغدر ملچــوم == مضـــــه مطبـــــــور حاميها
علي إتحمـّل رزايا إهموم == هالدنيـــــه إو مآسيهــــــــــــا
غمض عيناه ــ غمض عيناه === محفــــــــــــوف إبكــُبر صبره
شلون أنساه ــ شلون أنساه === طـُبــــــــرت هامتـــــه الشفره
ـــ
علي ودّع حسن وإحسين == ودّعهـــــــــا العقيله اليوم
علي نادى ينور العين == ياعبـــــــاس يالجيـــــــــدوم
ماريدن يــُمر البيـــــــــن == بختك ما تشوف إهموم
كفيل إنتَ وأعُرفك زين == أبو الغيره شهم موسوم
رُفع يمناه ــ رُفع يمناه === ودّع وإختفــــــه بــــــــــدره
شلون أنساه ــ شلون أنساه === طـُبـــــــرت هامتـــــه الشفره
ــــــــــــــــــــــــــــــــــــــــــــــــــ ــــــــــــــــــــــــــــ
مع تحيات شاعر أهل البيت / جابر النجفي
إسمعوا القصيده بصوت الرادود ياسين الوائلي على هذا الرابط
http://www.wlidk.net/dldw1u87218.mp3.html