[جوهرة الجنان]

شنو ذنب العراقي يعيش ما مرتاح
ويهجرونه بقساوة من وسط داره
بلدنه احن العراق وانتوا شفتوا الصار
احنه اهل الوطن شو صرنه خطاره
حكمونه ظلم كلنة نموت اعدام
وعله كل كبر واحد حطم حجاره
... خطر ممنوع توصل يم كبرهم لا
وخطوا لافته ممنوعه الزياره
بقيت الدول سرّه بقاصه شو مظموم
بس شعب العراقي انباحت اسراره
نيران الدول انطفت بيدك هاي
عجب شعب العراقي ما طفت ناره
تربينه اعله الحزن والقهر والاهات
ولا يوم الفرح هل الوطن زاره
الزمن هوه السبب بالي جره والصار
ودنيانه اطلعت ديلاب دواره
افتح مره دشك واسمع الاخبار
وطن اول خبر وانته اسمع اخباره
وطن مهموم عايش بالقهر والظيم
يهود اللي حكمته وفلشت دياره







البقية بحياتك ياعراق الخير
ولو ادري بحياتك هم كصيره
تعال وشوف الناس اتذبحت بالكاع
وهواي .... اجت من غير ديره
مصير الامه صاير ع سياسات
وحاير هالشعب مايعرف مصيره
... حيرة وداعت الله شباقي بيها الناس
وياحاكم يجينة يزيد بالحيره ...





راق لي