[عدنان منعم]

عيني بقت عالجود – ياخويه يالغـــالي
مكطع بلايه ازنود – ياهو الي يبــرالي
صابك سهم بالعين - ياهو اليعين حسين
على جودك عيون اطفال عطشانه – وكلب زينب شعاره اليوم احزانه
انته الي جبـــــــــتنه ارجع ويانه – يبو الغيره علــــــيك الروح ولهانه
جودك هويـــاك – جودك صفه بكتـــــرك
تبقى الحرم برجاك – وانته الخلص عمرك
صابك سهم بالعين – ياهو اليعين حــــــسين

ياجرح العمر يالمــــالك جاره – عباس الكفيل وتســـــــــــــــتعر ناره
عاف الحــره اخوها وعالنهر داره – جفين الكـــــــــمر للحره تذكاره
يالعلنهر مطروح – ياهوه اللي يحـــــميني
هجرك يهد صروح – ياشمعة سنـيــــــني
صابك سهم بالعين – ياهو اليعيـــن حسين

شيصبر روحي بعدك بيمن اتصبر- مااكدر وحك عبــــــــاس مااكدر
اخوي انته وابوي وعكبك اتمرمر- صفت زينب سبيه كوم يلا احظر
بعدك سبوني الكوم – واطــــــلع بلا والي
وغربان اميه تـــــحوم – ياهو الي يبرالي
صابك سهم بالعين – ياهو اليعــــين حسين

جرح بالروح اخوي ولا ابد ماطاب – لماهن سويه الباب والمحراب
بعد عباس ماعندي بعد احباب – ودلالي لمصابك يا عضيدي انعاب
حيلي ركد وانعـــــاب – والغربه حاطوني
زينب بلايه احباب – ياخويه عفتــــــوني
صابك سهم بالعين – ياهو اليعين حسين

يالجودك حياة وتنطر اطفالك – وابو الســـــــــــــــجاد عينه بلوعه تبرالك
رد ولا تشــــــــــــــمت بيه عذالك – راح اكظي حـــــــياتي بلوعه انعالك
ون ودمع وهموم – زينب صفت لوعه
ومناطره العلوم – والونه مفــــــجوعه
صابك سهم بالعين – ياهو اليعين حسين

جودك والجفوف اعلا النهر تذكار- موجود وشـــــــــــريعه خيبر وكرار
ابو فاضل قلعها بسيف حامي الجار- ورسم فوك الشريعه ملحمه المغوار
عالمشرعه العباس – درس الولي درسه
خمد تره الانفاس – حيدر علي نفســــــه
صابك سهم بالعين – ياهو اليعين حسين
خادم الحسين – عدنان منعم